OPPO F17 මාදිලිය ශ්‍රී ලංකාවට

පසුගියදා OPPO F17 Pro දුරකථන මාදිලිය ශ්‍රී ලංකාවට හඳුන්වා දුන් OPPO Sri Lanka සමාගම එහි මීළඟ පියවර වශයෙන් දැන් OPPO F17 මාදිලියද මෙරටට හඳුන්වාදී තිබේ. “මෙය F Series මාදිලි එකතුවේ සුවිශේෂී ලක්ෂණ සමග ආකර්ෂණීය පෙනුම, අධිවේගී ආරෝපණය සහ විනෝදාස්වාදය එක්තැන් කරන මාදිලියක්. දුරකථනය නිතර භාවිතා කරන අයගේ දෑස්වලට ඇතිවන වෙහෙස අවම කිරීම වෙනුවෙන්ම සැලසුම් කළ විශේෂාංග රාශියක් මීට ඇතුළත් වී තිබෙනවා.” OPPO Sri Lanka සමාගමේ ප්‍රධාන විධායක නිලධාරී බොබ් ලී මහතා පැවසීය.

OPPO F17 යනු ආකර්ෂණීය නිමාවකින් යුත්, බරින් අඩු, විලාසිතාමය පෙනුම නිසා බෙහෙවින් කැපී පෙනෙන නිර්මාණයකි. එහි ලෙදර් පෙනුමැති පසුපස කවරය සහ ලේසර් තාක්ෂණයෙන් නිර්මාණය කළ රටාවන් එහි අලංකාරය තවදුරටත් වැඩි කරයි. Navy Blue සහ Dynamic Orange යන වර්ණ දෙකෙන් මෙම දුරකථනය ලබාගත හැකිවේ.

OPPO F17 මාදිලියේ ආකර්ෂණීය බව තවදුරටත් වැඩිකරන අංගයක් වන්නේ, එහි පසුපස ආවරණයේ යොදා ඇති කැමරා රටාවයි. එහි ඇත්තේ ඉහළ තලයේ අත්ඔරලෝසුවලින් ආභාෂය ලද, කැමරා 4කින් යුත් පද්ධතියක් මනාව සමබර ලෙස යොදා ඇති 2×2 array design නිමාවකි. 2.5D curved, සාම්ප්‍රදායික 3D Curved බඳ රටාවන්ට වඩා සරල හා සමතල නිමාවක් ලබාදෙයි. One-piece body නිමාව මගින් සුවිශේෂී, සෞන්දර්යාත්මක පෙනුමක් එක්වී ඇති අතරම දුරකථනය අත්ලට දැනෙන ආකාරයද වඩාත් ප්‍රසන්න වේ. තවද OPPO F17 මාදිලිය වඩාත් සිහින් හා පටු ඉදිරිපස bezel එකක් සහිත නිමාවකින් යුක්ත නිසා, එය වඩාත් හුරුබුහුටි හා සැහැල්ලු දුරකථන මාදිලියක් බවට පත්වී ඇත.