ගයාන් – පූජනී හොරෙන්ම බැඳලා

හුස්මක් තරමට බැඳුණු ඒ ආදර කතාව තුළ සැඟවුනු ආදර කතාවක් එළියට ඇවිත්. ඉතින් මේ ආදර පෙම් කතාව ගැන ගොඩදෙනකුට අසන්නට ලැබුණේ විවිධ කතාවක් තමයි. ඒ ආදර ප්‍රේම කතාවට මුලපුරන්නේ නව පුරපුරේ දක්‍ෂ රංගන පෙම් යුවළක්. පූජනි භාග්‍ය සහ ගයාන් ගුණවර්ධන සමඟ පැතිර යන මේ ආදර කතාවේ ඇත්ත නැත්ත සොයා දැනගැනීමට පූජනි භාග්‍යාට අප කතා කළා. හැබැයි අපේ පැනයට ඇය පැවැසුවේ එහෙම දෙයක් නැති බවයි. ඒත් ඉතින් හැංගි හැංගි වෙස් බඳින්න බෑනේ. තවමත් ඇය වසන් කරන පූජනීගේ සැබෑ පෙම්වතා කවුද. හැබැයි ඒ සැඟවුණු ආදර කතාව තුළ රසබර ආදර කතාවකුත් තියෙනවාලු.

මනාළියක් ලෙසට සැරැසිලා කාටත් හොරා දීගෙක ගිය බව ආරංචියක්. ඇත්තද මේ කතාව?
අපෝ එහෙම දෙයක් සිදුවුණේ නැහැ. එන්ගේජ්මන්ට් ෂුට් එකක් කියලා ෂුට් එකක් කළා. එතකොට කිව්වා මමයි ගයානුයි බැඳලා කියලා. ඒක අපි කළේ පෙම්වතුන්ගේ දිනයට ෂුට් එකක්. මේ සැරේ වෙඩින් ෂුට් එකක් කළා. ඒ වෙඩින් ෂුට් එක කරලා ඉවර වෙනවාත් එක්කම ගයාන්ගේ අලුත්ම සින්දුව ‘ඔබ වෙනුවෙන්’ ගීතය ප්‍රචාරය වුණා. ඉතින් ගොඩදෙනෙක් හිතාගෙන ඉඳලා තියෙන්නේ මමයි – ගයනුයි විවාහ වුණා කියලා තමයි.
‘හුස්මක් තරමට බැඳුණු ආදර කතාව’ සැබෑ ආදර කතාවක් බවට පත්වෙයිද?
ගයාන් අයියා මට හමුවන්නේ ‘හුස්මක් තරමට’ ටෙලිනාට්‍යයෙන්. මම ඒ ටෙලිනාට්‍යයේ ඇයගේ පෙම්වතියවත් වුණේ නැහැ. නමුත් ටෙලිනාට්‍යයෙන් හමුවුණා. සහෝදරත්වය අදටත් හොඳ යහළුවන් සමඟ අපි සියලුමදෙනා එකට බැඳිලා ඉන්නවා.
හැබැයි ඔබට ඔබේ පෙම්වතා හමුවන්නේ ඔබ කලා ක්‍ෂේත්‍රයට පැමිණියාට පස්සේ. දෙන්නාට දෙන්නා තවම හිතින් ආදරය කරනවා. ඇත්තටම කවුද ඔබේ පෙම්වතා?
මම පෙම්වතියක් නෙවේ කිවුවොත් ඒක බොරුවක්. මම ආදරය කරනවා. අපි දෙන්නාට දෙන්නා ආදරෙයි කියලා තවම කියලා නැහැ. නමුත් හදවතින් දෙන්නට දෙන්නා තේරුම් අරගෙන තියෙන්නේ. ඔය විදියට අපේ ආදරය කලාගෙන යනවා.
මේ දිනවල විකාශය වන ජනප්‍රියතම ටෙලිනාට්‍ය කිහිපයකම ඔබ සුවිශේෂී චරිත නිරූපණය කරනවා නේද?
ඔව්. ‘අහස් මාළිගා’ ටෙලිනාට්‍යයේ හේෂාණි ලෙසටත්, ‘අපි අපි වගේ’ ටෙලිනාට්‍යයේ සකුරා ලෙසටත්, ‘නාඩි’ ටෙලිනාට්‍යයේ බිරියක් ලෙසටත්, ළඟදී විකාශය වීමට නියමිත වූ ‘නෑනලා’ ටෙලිනාට්‍යයේ නෙත්මි ලෙසටත් මම රඟපානවා.
ඔබ මේ ක්‍ෂේත්‍රයට ඇවිත් දිගු කාලයක් වෙනවා. නමුත් අතරමඟදී තමයි නැවැත ඔබව අපට හමුවන්නේ?
ඇත්තටම එය ගැන මට සතුටුයි. මම 2010 වර්ෂයේ ‘දරුවනේ’ චිත්‍රපටයේ ළමා රංගන ශිල්පිණියක් ලෙසට ප්‍රධාන චරිතයක් රඟපෑවා. ඉතින් අධ්‍යාපන කටයුතු නිසා මම ටික කාලයක් ක්‍ෂේත්‍රයෙන් ඉවත් වෙලා හිටියා. 2018 හිරු අවුරුදු කුමරි කිරුළ මට හිමිවීමත් සමඟ තමයි නැවැත නිර්මාණවලින් ආරාධනා ලැබුණේ. ඉතින් කාලයක් නිර්මාණවලින් ආරාධනා නැතුව මම පැත්තකට වෙලා හිටියා. මම සම්බන්ධ වුණු ටෙලිනාට්‍ය සියල්ලම එකම කාලහෝරාවක විවිධ නාළිකාවල විකාශය වීමත් එක්ක ගොඩදෙනෙක් මම ගැන කතා කරන්නට පටන් ගත්තා. ඉතින් එය මට විශේෂ සතුටක්.
‘නාඩි’ ටෙලිනාට්‍ය ඔබ නිරූපණය කරන චරිතය ඔබේ රංග දිවියට විශේෂ තැනක් හිමිවෙනවා නේද?
මම සම්බන්ධ වුණු අනෙකුත් ටෙලිනාට්‍යවල චරිතවලට වඩා ‘නාඩි’ ටෙලිනාට්‍යයේ මම නිරූපණය කරන්නේ බිරියකගේ චරිතයක්. ඒ චරිතය තුළ මට කිසිම අත්දැකීමක් නැහැ. අනෙකුත් චරිත කෙළිළොල්, දඟකාර, සාමාන්‍ය ජීවිතයක් එක්ක ගෙවී යන චරිත තමයි නිරූපණය කරන්න තියෙන්නේ. නමුත් බිරියක් ලෙසට මම රඟපාන පළමු අවස්ථාව තමයි මේ. ඉතින් ගොඩාක් දේවල් තියෙනවා ඒ චරිතය තුළින් මට නිරූපණය කිරීමට. ලොකු අත්දැකීමක් වුණා ‘නාඩි’ මගේ ජීවිතයට.
වසන්ත විතාරණගේ