The Flemington සුඛෝපභෝගී නිවාස ව්‍යාපෘතිය 5 වන සංවත්සරය සමරයි

මෙරට දේපළ ඉදිකිරීම් ක්ෂේත්‍රයට එක්වූ නවතම ව්‍යාපෘති අතරින් එකක් වන The Flemington පසුගියදා සිය 5 වැනි සංවත්සරය සැමරීය.

පසුගිය වසර 5ක කාලය තුළ The Flemington ව්‍යාපෘතිය මෙරට දේපළ සංවර්ධන ක්ෂේත්‍රයේ කැපීපෙනෙන ඉදිරි ගමනක නිරත විය. 2015 වසරේදී ආරම්භ වීමෙන් අනතුරුව,සිය සේවාදායකයන් වෙනුවෙන් කැපවෙමින් හා ඔවුන්ගේ විශ්වාසය දිනාගනිමින්, අඛණ්ඩව සිය දේපළ එකතුව, සේවාදායකයන් සංඛ්‍යාව මෙන්ම සිය කීර්තිනාමයද වැඩිදියුණු කරගනිමින් ඉදිරියට යාමට එම ව්‍යාපෘතිය සමත්විය.

The Flemington ගැනුම්කරුවන්ට සම්මාන දිනූ ගෘහ නිර්මාණ ශිල්පීන් විසින් සැලසුම් කරන ලද අලංකාර මහල් නිවාස අතරින් තම රුචිකත්වය අනුව නිවාස සැලසුම් තෝරාගත හැකිවේ. මෙම සෑම ව්‍යාපෘතියක්ම ඉදිකරනු ලබන්නේ කොළඹ හා රාජගිරිය යන ප්‍රදේශවල, සුපිරි වෙළඳසැල්,රෝහල්, පාසල් සහ ආපනශාලා ආදියට නුදුරුන් සියලු පහසුකම්වලින් සමන්විත ස්ථානවලය.

The Flemington ව්‍යාපෘතියේ නිර්මාතෘ වන්නේ එහි කළමනාකාර අධ්‍යක්ෂවරයා ලෙස කටයුතු කරන ශමිත ගනේගොඩ මහතාය. වසර 18 ක කාලයක් ඕස්ටේ්‍රලියාවේ ජීවත් වූ ගනේගොඩ මහතා එරට දේපළ වෙළඳාම් ක්ෂේත්‍රය තුළ ලද අත්දැකීම් සම්භාරයද සමගින් The Flemington ව්‍යාපෘතිය ආරම්භ කළේය. ඕස්ටේ්‍රලියාවේ දේපළ සංවර්ධන සමාගම් කිහිපයක මූල්‍ය පාලකවරයෙකු ලෙස සේවය කළ ඒ මහතා ක්‍රමක්‍රමයෙන් නාගරික ජීවිතයක පහසුව නොඅඩුව ලබාදෙන අතරම පෞද්ගලිකත්වය සුරැකෙන ආකාරයේ, මනා ඉඩකඩකින් යුත් නිවාස ඉදිකිරීම සම්බන්ධයෙන් ඕස්ටේ්‍රලියාවේ ජනප්‍රිය වී ඇති ගෘහ නිර්මාණ සංකල්පවලින් ආභාෂය ලැබීය. එම ආභාසය ඔස්සේ ඕස්ටේ්‍රලියාවේ මෙල්බන් නුවර සහ ශ්‍රී ලංකාවේ කොළඹ නගරයේ ක්‍රියාත්මක වන EliSh Development (පුද්.) සමාගම ආරම්භ කිරීමට ශමිත ගනේගොඩ මහතා කටයුතු කළේය.