ප්රවීණ චිත්රපට හා ටෙලිනාට්ය අධ්යක්ෂවරයකු, නිෂ්පාදකවරයකු, තිර පිටපත් රචකයකු මෙන්ම ගීත රචකයකු හා ග්රන්ථ කතුවරයකු වූ චන්ද්රරත්න මාපිටිගම වසර 14ක නිහැඬියාව බිඳිමින් යළිත් ‘දණ නවන හද’ සිනමා කෘතිය නිර්මාණය කරමින් ක්ෂේත්රයට අවතීර්ණව සිටී.Sri Lanka Latest News
උදාරි වර්ණකුලසූරිය, සංගීත් ප්රභූ, පවිත්රා වික්රමසිංහ, සුරංග ද සිල්වා, කිංස්ලි ලෝස්, මහේන්ද්ර වීරරත්න, කාංචනා කාන්, ගායනා සුදර්ශනී, රුක්ෂානා දිසානායක ඇතුළු රංගන ශිල්පීන් පිරිසක් රංගනයෙන් දායක වන මෙහි රූගත කිරීම් මේ දිනවල සිදුවෙමින් පවතී. ‘ඉරට හඬන මල්’, ‘ඉසුරු සොයා’, ‘සකිසඳ එළියස්’, ‘දේවතා එළි’, ‘දළ රළ පෙළ’ ඇතුළු ජනප්රිය ටෙලිනාට්ය 50කට අධික ප්රමාණයක් මෙන්ම, ‘මලට නොඑන බඹරු’, ‘සුරබිදෙන’, ‘සත්කම්පා’ ඇතුළු චිත්රපට හතක් ඔහු විසින් අධ්යක්ෂණය කරමින් තිරගත කර ඇත.
චිත්රපට හා ටෙලිනාට්ය රැසකට ගීත රචනයෙන් දායකව ඇති ඔහු, ‘සත්ය සුන්දරයි’ ඇතුළු ග්රන්ථ කිහිපයකම කතුවරයාද වෙයි. ‘දණ නවන හද’ සිනමා පටයට පාදකව ඇත්තේ පවුල් සංස්ථාව, දරු සෙනෙහස සහ සහෝදර ප්රේමය මත දෝලනය වන කතා පුවතකි. කැමරා අධ්යක්ෂණයෙන් නිශාන්ත ප්රදීප්, සංස්කරණයෙන් අනුෂ ජයවර්ධන, සංගීත අධ්යක්ෂණයෙන් නිමේෂ් ප්රනාන්දු, අංග රචනයෙන් අජිත් දිසානායක, කලා අධ්යක්ෂණයෙන් මෙරිල් සුසන්ත පෙරේරා, නිෂ්පාදන කළමනාකරණයෙන් නන්දලාල් ජයසිරි එක්ව ඇති ‘දණ නවන හද’ සුරංග ද සිල්වා සමගින් ක්රිෂාන්ත ද සිල්වා එක්ව නිෂ්පාදනය කර ඇත.
