AIA ශ්‍රී ලංකාවේ හොඳම ජීවිත රක්ෂණ සමාගම ලෙස ඇගයුමට

AIA ඉන්ෂුවරන්ස් ලංකා සමාගම 2019 වසර සඳහා ශ්‍රී ලංකාවේ හොඳම ජීවිත රක්ෂණ සමාගම ලෙස ජාත්‍යන්තරයේ ගෞරවයට පත් “Global Banking and Finance Review” වෙතින් ඇගයුමට ලක්වීම මහත් අභිමානයෙන් ප්‍රකාශ කර සිටියි. මෙම ගෞරවනීය ඇගයුම සඳහා, මූල්‍ය කේෂේත්‍රය සහ ලෝක ආර්ථිකය පිළිබඳ විශ්ලේෂණ සිදුකරන්නාවූ, එක්සත් රාජධානියේ ප්‍රභල සන්නිවේදන ආයතනයක් වන මෙම සමාගම, ප්‍රධාන කාර්යසාධන දර්ශක පිළිබඳව විස්තරාත්මක තක්සේරු කිරීමක් කරන ලදී. AIA ඉන්ෂුවරන්ස් ලංකා සමාගම, ශ්‍රී ලංකාවේ රක්ෂණ ක්ෂේත්‍රය වෙත විශිෂ්ට රක්ෂණ සැලසුම් සහ සේවාවන් මෙන්ම සේවාලාභී සත්කාරය වඩාත් උසස් තලයක රඳවා තබාගැනීමට ගෙන තිබෙන විවිධ පියවර සහ දේශීය ජන සමාජය වෙත සිදුකරන්නා වූ සේවාවන් මෙම ගෞරවනීය සම්මානය දිනා ගැනීමෙන් මනාව පිළිබිඹු වේ.

AIA ඉන්ෂුවරන්ස් ලංකා සමාගම, මූල්‍ය ශක්තියෙන් සහ ස්ථාවරත්වයෙන් යුතුව නිරතුරුව සවිමත්ව රැඳී සිටියි. නොබෝදා ඇති වූ COVID-19 වසංගත අවස්ථාවේදීද AIA ඉන්ෂුවරන්ස් ලංකා සමාගම සවිමත් පදනමක් සහ තිරසාර පැවැත්මක් සහිත සමාගමක් බව පැහැදිලි විය. ශ්‍රී ලංකාවේ රක්ෂණ ක්ෂේත්‍රය තුළ ඉහළම ප්‍රාග්ධන අවශ්‍යතා සපුරාලීමේ ප්‍රතිශතය හිමි ජීවිත රක්ෂකයාද AIA ඉන්ෂුවරන්ස් ලංකා සමාගමයි. (600%කට වැඩි – එනම් රක්ෂණ නියාමන නියෝග පරිදි සැපයිය යුතු අවම මට්ටම මෙන් 5 ගුණයක ප්‍රතිශතයක්) AIA ඉන්ෂුවරන්ස් ලංකා සමාගමට අවදානම් තත්ත්වයන් සහ අර්බුදකාරී අවස්ථාවන් සඳහා ඉතා හොඳින් මුහුණ දීමේ අසමසම ශක්තියත් හැකියාවත් ඇත. මේ සඳහා සමාගමේ විචක්ෂණශීලී ආයෝජන ක්‍රමෝපායන් සහ ස්ථාවර මෙන්ම උසස් තත්ත්වයේ ආයෝජනයන් මහත් රුකුලක් වේ.