වෙළෙඳ සේවා ක්රිකට් සංගමය විසින් සංවිධානය කරනු ලබන වෙළෙඳ සේවා ඊ කාණ්ඩයේ ක්රිකට් තරඟාවලියට 23 වන වරටත් ඩේවිඩ් පීරිස් සමූහ ව්යාපාරය අනුග්රහය දක්වන බව පසුගියදා නිවේදනය කළේය. ඒ අනුව වෙළෙඳ සේවා ක්රිකට් සංගමයේ අනුග්රාහකත්වයන් අතර දෙවෙනි පැරණිතම අනුග්රාහකත්වය ලෙස මෙය හැඳින්විය හැකිය.Sri Lanka Latest News
ක්රීඩාව සදහා ඇති කැපවීම අවධාරණය කරමින්, ඩේවිඩ් පීරිස් සමූහය ක්රීඩා සංවර්ධනය සදහා පමණක් නොව වෙළෙද සේවා අංශයේ ක්රීඩා සදහා තම සේවක මහත්ම මහත්මීන්ද ක්රියාකාරීව යොමු කිරීම සම්බන්ධයෙන්ද උනන්දු වේ. ඒ අනුව වෙළෙද සේවා ක්රිකට් තරගාවලි සදහා ඩේවිඩ් පීරිස් පීරිස් සමූහ කණ්ඩායම් 02ක් පිළිවෙළින් සී කාණ්ඩයේ සහ ඊ කාණ්ඩයේ ක්රීඩා කරන අතර සී කාණ්ඩයේ ශුරයින් බවට පත්වීමට ඩේවිඩ් පීරිස් සමූහ ඒ කණ්ඩායමට 2025 තරගාවලියේදී හැකි වීම සුවිශේෂත්වයකි.
වෙළෙඳ සේවා ක්රිකට් සංගමය සහ එහි ලීග් තරඟාවලිය මේ වන විට මෙරට ක්රිකට් ක්ෂේත්රය තුළ ඉමහත් සේවයක් ඉටු කිරීමට සමත් වී ඇත. ඒ හරහා ක්රිකට් ක්රීඩාවට උනන්දුවක් දක්වන ආයතනික ක්ෂේත්රයේ තරුණ ක්රීඩකයින්ට එම හැකියාවන් පවත්වාගෙන යාම සඳහා මහඟු අත්වැලක් සපයයි.
පසුගියදා වෙළෙඳ සේවා ක්රිකට් සංගමයේදී පැවැති මාධ්ය හමුවකදී ඩේවිඩ් පීරිස් සමූහ අනුග්රාහක චෙක්පත ඩේවිඩ් පීරිස් මෝටර් කම්පැනි (ප්රයිවට්) ලිමිටඩ්හි ප්රධාන නිළධාරී (අමතර කොටස් හා උපාංග ) මංජුල ද අල්විස් මහතා අතින් වෙළෙද සේවා ක්රිකට් සංගමය වෙත ප්රදානය කළ අතර මෙම අවස්ථාවට ඩේවිඩ් පීරිස් හෝල්ඩිංග්ස් (ප්රයිවට්) ලිමිටඩ්හි සමූහ ආයතනික සන්නිවේදන ප්රධානී කේතීස්වරන් වරවේස්වරන්, ඩේවිඩ් පීරිස් හෝල්ඩිංග්ස් (ප්රයිවට්) ලිමිටඩ්හි සමූහ ව්යාපාර ප්රධානී ෂෙනූක් හදුන්ගේ, වෙළෙඳ සේවා ක්රිකට් සංගමයේ සභාපති මහේෂ් ද අල්විස්, ලේකම් රොහාන් සෝමවංශ, උප සභාපති සිරෝෂ ගුණතිලක යන මහත්වරුන් මෙන්ම කණ්ඩායම් නායකයින්, මාධ්යවේදීන් ඇතුලු මහත්ම මහත්මීන් සහභාගී විය.
මේ වන විට ඩේවිඩ් පීරිස් සමූහ ව්යාපාරයේ ක්රීඩක ක්රීඩිකාවන් වෙළෙඳ සේවා ක්රිකට්, මළල ක්රීඩා, වොලිබෝල්, හොකී, පැසි පන්දු, දැල්පන්දු, පිහිණුම් සහ බැඩ්මින්ටන් යන ක්රීඩාවන්හි නියැලේ.
දශක තුනකට අධික අභිමානවත් ඉතිහාසයකට හිමිකම් කියන ඩේවිඩ් පීරිස් සමූහ ව්යාපාරය අද වන විට මෙරට විශාලතම සහ මූල්යමය වශයෙන් වඩාත්ම ශක්තිමත් සමූහ ව්යාපාර අතර එකක් බවට පත් වී ඇත. ඩේවිඩ් පීරිස් සමූහය වාහන විකුණුම් හා සේවා, මූල්ය සේවා, ලොජිස්ටික්ස් සහ ගබඩා පහසුකම් සේවා, තොරතුරු සහ සන්නිවේදන තාක්ෂණ, දේපළ වෙළෙදාම් සහ දේපළ අයෝජන, රේසිං, විනෝදාත්මක ක්රියාකාරකම්, නාවුක සහ සමුද්රීය සේවා සහ සූර්ය බල ශක්ති ක්ෂේත්රයන් නියෝජනය කරන සමාගම් 30කට අධික ප්රමාණයකින් සමන්විත වේ.
මාධ්ය විමසීම් – දසුන් එදිරිසිංහ (0777587839)
