පුංචි තිරයට නැවැතත් වෙද හාමිනේ කෙනෙක් ඇවිත්. හැබැයි මේ වෙද හාමිනේගෙන් අසාධාරණයෙන්, අයුක්තියෙන් වැඩ කරන අයට ගැළවෙන්නට නම් අමාරුයි. ඇයව අපට හමුවන්නේ මේ දවස්වල විකාශය වන ‘පුළිඟු’ ටෙලිනාට්ය හරහා තමයි. එහි කතා නායිකාව ලෙසට රඟන තරින්දි ප්රනාන්දු කාලෙකට පස්සේ වෙනස්ම ස්වරූපයකින් ඔබ අපගේ නෙත් අග රැඳෙනවා. ඉතින් කාලෙකට පස්සේ හැඩ වැඩ දාන ඇය සමඟ කතාබහ නොකළොත් එය අඩුවක් වන්නට පුළුවන්. ඉතින් ඒ නිසාම ඇයගේ රංගන චාරිකාව ගැන කතාබහ කිරීමට ඇයව සම්බන්ධ කරගත්තා.
ඉතින් පොඩි වෙදහාමිනේ කොහොමද?
පොඩි වෙදහාමිනේ ඉතින් මේ දවස්වල ‘පුළිඟු’ ටෙලිනාට්ය එක්ක තමයි කාලය ගතකරන්නේ. මාස හයකින් විතර තමයි මම ඉන්න ටෙලිනාට්යයක් විකාශය වන්නේ.
අපිට දැනුණු විදියට තරින්දි මෙයට පෙර කළ නිර්මාණවලට වඩා ‘සසදි’ අභියෝගයක් වන්නට ඇති?
ඇත්තටම ‘සසදි’ චරිතය මගේ රංගන ජීවිතයට අභියෝගයක් වුණා කිව්වොත් හරි. යන්ත්ර – මන්ත්ර, වෙද-හෙදකම් විතරක් නෙවේ යක්ෂයොත් බැඳගෙන වැඩ කරන්න වෙනවා. ඔය අතර අහිංසක පෙම්වතියක් විදියට ‘සසදි’ ආදරය කරනවා. මගේ චරිතය පැති කිහිපයකින් ගලාගෙන යන නිසා ‘පුළිඟු’ ටෙලිනාට්ය මට අභියෝගයක් වුණා කිව්වොත් හරි. ඒ විතරක් නෙවේ සසදි නිසා මට අංගම්පොර සටන් කලාව පවා හදාරන්න සිද්ධ වුණා.
‘පුළිඟු’ ටෙලිනාට්යයේ සසදි චරිතය සඳහා රංගන ශිල්පිනියන් රැසක් යෝජනා වෙලා තිබෙනවා. එහෙත් ඔබවම මෙයට තෝරා ගැනීමට විශේෂ හේතුව?
බුද්ධික ලොකුකැටිය අයියා තමයි ‘පුළිඟු’ ටෙලිනාට්ය අධ්යක්ෂණය කරන්නේ. ඉතින් ඔහු සසදි චරිතය වෙනුවෙන් මාව තමයි හිතාගෙන තියෙන්නේ. ඉතින් මම සතුටු වෙනවා ඔහුගේ රූපයේ මැවුණ සසදිව ජීවමාන කිරීමට හැකි වීම එක ගැන. පුළිඟු නාට්ය කණ්ඩායමේ සියලුම දෙනාගෙන්ම මට ලොකු සහායක් ලැබුණා කියලා අනිවාර්යයෙන් මේ වෙලාවේ සඳහන් කරන්න ඕනෑ. මම හිතනවා අනෙකුත් ශිල්පීන් මට සහායක් නුදුන්නානම් මට මේ තරම් සාර්ථකව සසදිව ජීවමාන කරන්න බැරි වෙයි කියලා. ඒ වගේම ස්වභාවධර්මයෙන් මට යම් එළියක් ලබා දුන්නා මගේ චරිතය ගොඩනඟා ගැනීමට එය තමයි විශේෂත්වය.
ඔබේ තිබුණු බාහිර ස්වරූපයත් සමඟ එක්තරා අවස්ථාවල නිර්මාණකරුවන් ඔබට ගැමි චරිත රඟපාන්න බැහැ කියලා ඔබව ප්රතික්ෂේප කරපු අවස්ථාවක් තිබුණා නේද?
ඇත්තටම ඔව්. මම මේ ක්ෂේත්රයට ආපු අලුත ඒ වගේ මතභේද තිබුණා. නමුත් මම වැටුණේ නැහැ. ඒ හැම දේටම පිළිතුරු දෙනවා ‘පුළිඟු’ ටෙලිනාට්යයේ සසදි. මම මේ ක්ෂේත්රයට ඇවිත් වැඩි කාලයක් නැහැ. නමුත් විවිධ චරිත රඟපෑමට දෙවියන්ගේ ආශිර්වාදය මට ලැබුණා. මමත් කැමැති ඒකාකාරී චරිත නැතුව විවිධ චරිත රඟපාන්න. එහෙම වුණාම මේ ක්ෂේත්රයේ දිගු කාලයක් රැඳී ඉන්නට පුළුවන්. මම හදිසි නොවී හෙමින් ආපු ගමනක් තමයි මේ. මට ඕනෑ කළේ නැහැ එක රැයකින් ජනප්රිය වෙලා ගෙදර යන්න.
ඒ කියන්නේ තරින්දි දැන් පූර්ණකාලීන රංගන ශිල්පිනියක්?
පොඩි කාලේ ඉඳලා මගේ ආශාවක් තිබුණා මේ ක්ෂේත්රයට සම්බන්ධ වෙන්නට. ඒත් අපේ පවුලේ අයට ඕනෑ කළේ මම හොඳට ඉගෙනගෙන හොඳ රැකියාවක් කරනවාට. ඉතින් මම බැංකු ක්ෂේත්රයේ රැකියාවක් කළා. ඒත් අම්මා නැතිවීමත් සමඟ මම ඒ රැකියාවෙන් ඉවත් වුණා. මම දෙවියන් බුදුන් විශ්වාස කරන කෙනෙක්. ඉතින් මගේ හිතේ තිබුණු සිහිනය ඉටු වුණා.
මේ ක්ෂේත්රයේ ඔය විදියට ගමනක් යන්නට බය හිතුණේ නැද්ද?
මගේ හිත හයියයි. මුලදී පොඩි බයකුත් තිබුණා නැතුවා නොවෙයි. ඒ විතරක් නෙවේ කැපිලි, කෙටිලි ඒ විදියටම තිබුණා. හැබැයි ඒ හැම අභියෝගයටම මුහුණ දීගෙන ගමන යනකොට හරිම සුන්දරයි.
වෘත්තීය රංගන ශිල්පිනියක් විදියට මේ ක්ෂේත්රයේ රැඳෙන්නට අමාරුයි නේද?
ඒ ගැන මම දන්නවා. ආපු මුල් කාලවලද පිනට වැඩ කරගත්ත අවස්ථාත් තිබුණා. ඉතින් මම දැන් ඉන්න විදිය ගැන සෑහීමකට පත්වෙනවා. මේ වැඩකටයුතු කරගෙන යන ගමන් පුංචි ව්යාපාරයක් පටන් ගන්නත් හිතේ අදහසක් තියෙනවා.
වසන්ත විතාරණගේ
