ඔබට මතක ඇති අඟුරු සිත්තම් ටෙලිනාට්යය හරහා ඔබට සමීප වුණු ‘කොණ්ඩ මිගාර’ දිගු නිහැඬියාවකට පසු නැවතත් ‘සිහිනෙක තනිවෙලා’ ටෙලිනාට්යයේ වෙනස්ම චරිතයක් හරහා ඔබ හමුවට එනවා. ඒ ගැනයි අමිල සමග මේ කතාබහ.Sri Lanka Latest News
අමිල මේ දවස්වල බලාපොරොත්තුවක් සමග ගෙවන ජීවිතය කොහොමද?
මගෙ දැන් එහෙම ලොකු බලාපොරොත්තු සිහින නැහැ. සරලව බැඳීම් නැති ජීවිතයක් ගතකරන්න තමයි මම උත්සාහ කරන්නේ.
‘සිහිනෙක තනිවෙලා’ ටෙලිනාට්යයේ ඔබ ඉතා තාත්වික රංගනයක නියැළෙනවා. ඒ ගැන කතා කළොත්?
‘සිහිනෙක තනිවෙලා’ ටෙලිනාට්යයේ බස් කොන්දොස්තරවරයෙක්ගේ චරිතය රඟපාන්නේ මම. මගතොටදී ප්රේක්ෂකයන්ගෙන් හොඳ ප්රශංසා ලැබෙනවා. ඒ ගැන හිතන විටත් සතුටක් දැනෙනවා.
කාලයකින් තමයි ඔබව අපිට නැවත දැකගන්න ලැබුණේ?
ඔව්. මගේ පෞද්ගලික කාරණාවක් මත මම ටික කාලයක් කලාවෙන් ඈත්වෙලා හිටියා. සඳුන් බණ්ඩාර හරහා තමයි මම කලාවට සම්බන්ධ වෙන්නේ. ඔහු මගේ දක්ෂතා තේරුම් අරගෙන මට නැවතත් කලාවට සම්බන්ධ වෙන්න අවස්ථාව සලසනවා. ඒ වගේම තිර පිටපත් රචක තිමිර උඩලමත්ත සහ ටෙලිනාට්ය අධ්යක්ෂ හසිත රාජපක්ෂ ඇතුළු මුළු නාට්ය කණ්ඩායමෙන්ම ලොකු සහායක් ලැබුණා මට.
පීක් වුණු කාලෙම අමිල කලාවෙන් දුරස් වීම නිසා අවාසියක් වුණා නේද?
ඔව් ඔබ හරි. ඒත් ඒ වෙලාවේ මම ගතයුතු තීරණයක් මත එහෙම තීරණයක් ගත්තේ. 2015 මම රංගනයෙන් සම්බන්ධ වුණු අඟුරු සිත්තම් ටෙලිනාට්යයේ කොණ්ඩ මිගාර චරිතය ගොඩ දෙනෙක් වැලඳ ගත්තා. ඒත් ඉතින් මොනවා කරන්නද? ඒ සියල්ල නැවත හදාගන්න මම උත්සාහ කරනවා.
කොණ්ඩ මිගාර අවසානයේ ටේරන්ඩ් එකක් වුණා?
‘අඟුරු සිත්තම්’ ටෙලිනාට්යයට මම සම්බන්ධ වෙනකොට කොණ්ඩය වවලා හිටියේ. පස්සේ තමයි ගොඩක් පිරිමි ළමයි කොණ්ඩය වවන්න ගත්තේ. දැන් නම් මම කොණ්ඩේ කපලා නිසා මාව ගොඩ දෙනෙක්ට හඳුනාගන්න බැහැ.
මේ ඔබ අහම්බෙන් ආපු ගමනක්, රංගන චාරිකාවක් නේද මේ යන්නේ?
කලාවට සම්බන්ධ වෙන්න මගේ හිතේ අදහසක් තිබුණේ නැහැ. මගෙ ගම් පළාත කුරුවිට. අපේ පැත්තේ ටෙලි ෆිල්ම් එකක් රූගත කිරීම් කළා. එතැනට මම ගියේ අහම්බෙන්. එතැනදී මාව දැකලා තමයි ආරාධනාවක් ලැබුණේ. පස්සේ ඉතින් ඒ දැනුණු ආසාවත් එක්ක රංගනය ගැන මම හොයන්න ගත්තා. ඒ දැනුණු පිපාසය තවමත් තියෙනවා.
වසන්ත විතාරණගේ
