‘ඉරගිනි මද්දහනේ’ ජයංගා. ඕනෑම දෙයක් ඕනෑම කෙනකුට මූණටම කියන කට සැර කෙල්ලක්. ආලවන්ති ටෙලියෙ චමෝදි කියන්නෙත් දඩබ්බර වැඩ කරන කොල්ලෙක් වගේ කෙල්ලෙක්. මේ චරිතවලට පණ දෙන්නෙත් සැබෑ ජීවිතය තුළ රිලැක්ස් එකේ ඉන්න කැමැති සරල විදියට හිතන තරුණ කෙල්ලක්. ඈ සප්නා පාදුක්ක. හාට් එකේ අපි සප්නගෙ හදවතට එබෙන්නයි මේ ලකලෑස්ති වෙන්නේ.Sri Lanka Latest News
ඉතින් සප්නා අපි ටිකක් කතා කරමු. කොහොමද තොරතුරු?
වරදක් නැහැ ෂූටිං ඩබිං මැද කාලය ගෙවිලා යනවා.
මොනවද කියමු බලන්න මේ දවස්වල වැඩ?
ටෙලි ඩ්රාමා දෙකකම ෂූටිං යනවා. ආලවන්ති සහ රට පවුල. ඒ අතර රාස් ෆිල්ම් එකේ ෂූටිනුත් තිබුණා.
රාස් ෆිල්ම් එක ගැන පසුගිය ටිකේ කිහිප දෙනෙක්ම කතා කළා?
ඔව්. රාස් කියන්නේ අලුත් තාලේ ලස්සන වැඩක්. චිත්රපටය ආවම බලන්නකො.
චිත්රපටයක රඟපාන්න ලැබුණු එක සතුටක්ද සප්නා?
ඔව්. ඒක ලොකු සතුටක්. ඒ වගේම මේ මගේ දෙවැනි ෆිල්ම් එක. මීට කලින් ජැෆ්නාවල රූගතකිරීම් තිබුණු ‘කාදල් ක්රයිම්’ කියන සිංහල-ටැමිල් මික්ස් ෆිල්ම් එකක රඟපෑවා. ටැමිල් ඇක්ටර්ස්ලත් ඒකේ හිටියා. තවම ඒක හෝල්වලට ආවේ නැහැ. ටේ්රලර් එක නම් ඇවිත් තියෙන්නේ. ටේ්රලර් එක බලන අයට තේරේවි ‘කාදල් ක්රයිම්’ එක කොයි තරම් ලස්සන නිර්මාණයක්ද කියලා.
බොහොම සතුටින් සප්නා ‘කාදර් ක්රයිම්’ චිත්රපටය ගැන කතා කරනවා?
‘කාදල් ක්රයිම්’ චිත්රපටයේ මම වැඩ කළේ ලොකු සතුටකින් තමයි. ඉන්දියන් ඇක්ටර්ස්ලත් හරිම සුහදව සහයෝගයෙන් අපිත් එක්ක වැඩ කළා. එයාලගෙන් අපට ඉගෙනගන්න හුඟක් දේවල් තිබුණා.
සප්නා වැඩිපුර කැමැති සංකීර්ණ චරිතවලටද?
එහෙමම කියලා නැහැ. විනෝදකාමී සරල චරිත වගේම සංකීර්ණ චරිතත් කරනවා. පාර දිගේ, ආලවන්ති ටෙලි වගේම ඉරගිනි මද්දහන වැනි ටෙලිවලත් රංගනයෙන් දායක වුණා.
සැර චරිතයි දඩබ්බර චරිතයි තමයි වැඩිපුර දැක්කේ?
මට ලැබුණු විදිය එහෙමයි. ආරාධනා ලැබුණු හැටියට භාරගත්තා. ඒ වගේම ඒ චරිතවලට අවශ්ය සාධාරණය කරන්න උපරිම උත්සාහ ගත්තා.
උත්සාහය සාර්ථක වුණා කියලා හිතනවද?
ලැබෙන ප්රතිචාර අනුව එහෙම හිතෙනවා. ඉරගිනි මද්දහනෙ ජයංගා ගැනත්, ආලවන්ති ටෙලියෙ චමෝදි ගැනත් හැමෝම මග තොටේදි කතාකරනවා. ඒ ප්රේක්ෂක ආදරය ගැන දැනෙන සතුට අප්රමාණයි.
විලාසිතා නිරූපණය ගැනත් සප්නා උනන්දුයි කියලා ආරංචියි?
ඔව්. මොඩ්ලින් කියන්නේ මම ආසම සබ්ජෙක්ට් එකක්. කාලවේලාව මදි නිසා තමයි තවම ඒ ගැන උනන්දුවක් දක්වන්න හිතුවේ නැත්තේ. හැබැයි කොහොම හරි මොඩ්ලින්වලට තියෙන ආසාවත් ඉටුකර ගන්නවා.
පාරදිගේ සහ ආලවන්ති ටෙලිවලට වැඩිය ඉරගිනි මද්දහනේ ජයංගා ගැන ප්රේක්ෂකයො කතා කරනවා?
ඔව්. හැමෝම වාගේ වැඩිපුර කතා කළේ ජයංගාගේ චරිතය ගැනයි. ප්රේක්ෂකයෝ මුහුණු පොතේ පවා ජයංගාගේ චරිතයට සිදුවන අසාධාරණකම් ගැන හුඟක් දුක්වෙන ආකාරයේ කමෙන්ට්ස් දාලා තිබුණා. මටත් වඩා ඔවුන් ඒ ගැන හිතට අරන් තිබුණා. එතැනදී මම දැනගත්තා මම හරියටම ජයංගාට අවැසි කාර්යභාරය කරලා තියෙනවා කියලා.
සැර සහ දඟකාරව කරන චරිත රටාවෙන් මිදුණොත් හොඳයි නේද?
දැනටමත් මිදිලයි ඉන්නේ. ‘රාස්’ ෆිල්ම් එකේ මම කරන්නේ අහිංසක ආදරණීය චරිතයක්. ඒ වගේම ඒක ප්රධාන චරිතයක්. ඒ වගේම මේ විදියට ආදරණීය චරිත කරනවා කියන එකේ තේරුම සැර, දඟකාර චරිත ආයම කරන්නේ නැහැය කියන එක නෙවෙයි. විවිධ චරිත නිරූපණය තුළ තමයි සාර්ථක නිළියක් වෙන්න පුළුවන් වෙන්නේ.
ඉරගිනි මද්දහනට පසු ඔබ ටික කාලයක් රංගනයෙන් ඈත්වෙලා හිටියා?
මට පොඩි රිලැක්ස් එකක් ඕනෙ වුණා. ඒකට හේතුවක් නැහැ. මගේ විදිය ඒකයි. නිදහස ඕනෙ වුණොත් විවේකයක් ඕනෙ වුණොත් ඒක අත්විඳිනවා.
කලා ජීවිතය ගැන ඔබ තෘප්තිමත්ද?
ඉතා තෘප්තිමත්. ප්රේක්ෂකයන්ගෙන් ලැබෙන ආදරය සතුටක්. හැබැයි හිතපු තරම් මේ ගමන ලෙහෙසි පහසු නැහැ. කැපවීම නිර්මාණශීලීත්වය හරහා සියුම්ව මේ ගමන පරිස්සමට යායුතුය කියන එක තේරුම් ගන්නවා නම් හැම දේම සාර්ථක වේවි.
මල්මි කෞශල්යා
