මොහිත් සුරි කියන්නේ බොලිවුඩ්වල ඉන්න ප්රවීණම ෆිල්ම් ඩිරෙක්ටර් කෙනෙක්. ඔහු තරුණයි. අලුත් තාලේ නිර්මාණවලට මනාපයි. 2025 අවුරුද්ද වෙනුවෙන් මොමැන්ටික් ෆිල්ම් එකක් කරන්න ඔහුට දොළක් ඉපදුණා. ඔහු කලින් කරපු ෆිල්ම්වල ආදරය, රාගය තිබුණත් ඒවා ත්රාසය කුතුහලය සමග ත්රිල් එකත් එකතු වෙච්ච මසාලා ටයිප් එකට තමයි හැදුණෙ. මේ වතාවේ ඔහුට ඕනෑ වුණේ තනිකරම දේදුනු පාට කැලතුණු පණ ඇරලා කොල්ලයි කෙල්ලයි ආදරය කරන මොමැන්ටික් ෆිල්ම් එකක් කරන්නයි. ළපටි පෙනුමට අලුත් කෙල්ලෙක්වයි කොල්ලෙක්වයි හොයාගන්නත් ඔහුට ආසාවක් උපන්නාය කියමුකො ඔන්න.
හැබැයි ඒ කාරණයට නම් මොහිත් සුරිට සිනමා කර්මාන්තයේ කවුරුත් වාගේ අනතුරු ඇඟෙව්වා. මොකද කොරෝනා ලොක් ඩවුන් එකෙන් පස්සේ බොලිවුඩයටත් නරක දසාවක් ඒ දවස්වල ලබාගෙන ආව නිසා. ප්රවීණ නළු නිළියන්ව ඇරෙන්න නවක මුහුණු හඳුන්වලා දෙන්න හුඟක් දෙනා ටිකක් බය වුණා. කාලෙකට පස්සේ සුරි තමයි ඒ අවදානමට අතගැහුවේ. කෝඩුකාර කෙල්ලක්ව ඔඩිෂන් එකක් හරහා ඔහුට හම්බවුණා. ප්රවීණ නළු චින්කි පාන්ඩේට නෑකම් කියන පවුලකින් තමා කොල්ලව හම්බ වුණේ. කොහොමත් සුරිගේ හිත කොනකත් දෙගිඩියාවක් තිබුණා. ෆිල්ම් එක ඉක්මනින් කඩාවැටෙයිද කියලත් සියලු සිතුවිලි මැද රූගත කිරීම් පටන් ගත්තා. Sri Lanka Latest News
ෆිල්ම් එකට නම තිබ්බේ ‘සයියාරා’ කියලයි. නවක නළුවා අහාන් පාන්ඩේ. නිළිය අනීත් පඩ්ඩා. චිත්රපටයේ වැඩකටයුතු ඉවරයක් වෙලා හෝල්වලට දාන දවස ළං වුණා. නගර පුරාම මේ නව පෙම් යුවල දාලා කටවුට් ගැහුවා. ටේ්රලරයත් ඒ එක්කම මුදාහරුණා. හිතුවේ නැති විදියට ඒක මිලියන ගණනක් නැරඹුවා. සුරි දැනගත්තා ‘කල්ල මරේ’ කියලා. තව අලුත් කටවුට් ගහලා ෆිල්ම් එක ජූලි 18 රිලීස් කළා.
සුරිට අදහන්න බැරි වුණා සති දෙකක්වත් යන්න ලැබුණේ නැහැ. සයියාරා ඉන්දියානු රුපියල් කෝටි 269.75-270.75 අතර ආදායමක් ලැබුවා. බොක්ස් ඔෆිස් වාර්තා තිබ්බා. මේ වනවිට සයියාරා කෝටි 300 ඉලක්කය පසුකරලා ඉවරයි. තරු බලයක්වත් නැති අලුත්ම කොල්ලෙකුයි කෙල්ලෙකුයි මේ තරම් ලොකු හපන්කමක් කරයි කියලා ඔහු හීනෙන්වත් හිතුවේ නැහැ කියලයි කියන්නේ.
‘මොනවද ඉතින් ඔයාලට මගෙන් ඕනේ..,?’
මොහිත් සුරි සයියාරා සාර්ථකත්වය වෙනුවෙන් තියාපු ප්රිය සම්භාෂණයේදී අහාන්ගෙනුයි අනීත්ගෙනුයි ඇහුවලු.
‘අපට පාරේ බැහැලා යන්න බැහැ. සාප්පුවකට යන්න බැහැ. රසිකයෝ අපිව වටකර ගන්නවා. ඒ ආදරය හිතට මාර ගැම්මයි. අපට ඒ සතුට දුන්න ඔයාට ස්තුතියි…’
‘සයියාරා’ ෆිල්ම් එකේ නවක තරු ජෝඩුව සුරිට කිව්වේ හදවතින්මලු. මොනිත් සුරිත් මේ දවස්වල හදවතින්ම හිතනවලු අවදානමක් වියහැකි සොඳුරු වෑයමක් අතිසාර්ථක කර දුන්න මේ තරු දෙපළට දෙන්න පුළුවන් විශේෂ තෑග්ග මොකක්ද කියලා.
මල්මි කෞශල්යා
