දුම්රිය ප්රමාදය ගැන තමන්ට ලැබුණ පැමිණිලි සම්බන්ධයෙන් සොයාබැලීම සඳහා දිනක් මොරටුවේ සිට කොළඹ කොටුවට දුම්රියෙන් පැමිණි බව ප්රවාහන අමාත්ය බිමල් රත්නායක මහතා පවසනවා. ස්වාධීන රූපවාහිනී සේවයේ පැවැති සම්මුඛ සාකච්ඡාවකදී ඒ මහතා සඳහන් කළේ කිසිදු දිනෙක මාධ්යවේදීන් කැඳවාගෙන ජනතා ගැටලු විසඳීමට තමන් නොගිය බවයි. පහත පළවන්නේ බිමල් රත්නායක අමාත්යවරයා ස්වාධීන රූපවාහිනිය සමග කළ සාකච්ඡාවෙන් උපුටාගත් කොටසකි. Sri Lanka Latest News
මාධ්යවේදියා
අපි ඔබේ අමාත්යාංශය දෙසට යොමු වුණොත් එහෙම ප්රවාහන අමාත්යාංශය බොහෝ සෙයින් ජනතාවට සමීප අමාත්යාංශයක්. හැමෝම පොදු ප්රවාහනය භාවිත කරන නිසා. ඔබත් පොදු ප්රවාහනයේ ගමන් කරමින් මාධ්ය කැඳවාගෙන යමින් විවිධ අවස්ථාවල කරන්නේ මාධ්ය සංදර්ශනයක්ද කියලා සමහර අය ප්රශ්න කරනවා?
අමාත්ය බිමල් රත්නායක
මම කවදාකවත් පොදු ප්රවාහනයේ මාධ්ය කැඳවාගෙන ගිහිල්ලා නෑ. එක දවසක් මොරටුවේ ඉඳලා මම කොළඹ කොටුව ස්ටේෂන් එකට ආවා. ඒ දුම්රිය ප්රමාදය උහුලන්න බැරි තැන. මට හැමදාම උදේට කෝල්ස් ගොඩාක් එනවා. මම ඒවායින් 15ක් 20ක් විතර ආන්සර් කරනවා. ඒවායින් වැඩිම ප්රමාණයක් මට එන්නේ දුම්රිය ප්රමාදයන් සහ දුම්රිය අවලංගු වීම් ගැන. ඉතින් මම නිලධාරීන්ට කිව්වා මේක හදන්න කියලා. ඒගොල්ලෝ එක එක හේතු කියනවා. ඇත්තටම මම ආවට පස්සේ තමයි ඒගොල්ලන් දුම්රිය ප්රමාදයන් පිළිබඳ දිනපතා වාර්තාවක් හරි හදන්න පටන් ගත්තේ. දවසකට දුම්රිය 35%ක් 40%ක් ප්රමාද වෙනවා. දැන් මට ප්රතිශතයක් එනවා. 35%ක් 40%ක් ප්රමාදයි. මම දවසක් ඇහුවා දුම්රිය ප්රධානීන්ගෙන් සාමාන්යයෙන් කෝච්චියක මිනිස්සු කීයක් එනවද කියලා. දැන් ප්රතිශතය 35% කිව්වම මොකද තේරෙන්නේ නෑනේ. දුම්රිය 280ක් 300ක් දවසක දුවනවා. ඕකෙන් 40%ක් ඩිලේ කියන්නේ මොකක්ද? දුම්රිය 125ක් ප්රමාදයි කියන එක. දුම්රියක 1000ක් හිටියොත් කොච්චරද? මිනිස්සු 125,000ක් ප්රමාදයි. රට විනාශ වෙනවා. ඔක්කොටම වඩා පුදුම ලෙස මිනිස්සු ඩිප්රෙස් වෙනවා. මිනිස්සු උදේ ලස්සනට ඇඳලා, පිළිවෙළට දරු පැටව් ඉස්කෝලේ යවලා මොන යුද්ධයක්ද ඔය උදේ අම්මලා නෝනලා කරන්නේ? හතරට නැගිටගෙන ඔක්කොම කරලා පිළිවෙළට ඇඳගෙන 8.00ට 8.30ට ජොබ් එකට එන්නේ. තමන්ගේ අතේ සල්ලි වියදම් කරලා කෝච්චියේ එන්නේ. නිකන් එන්නේ නෑනේ. නිකන් එනවා සුළු පිරිසක් හොරෙන් එන අය. ඒ චෙක් කරන්නේ නැති නිසා.
ඒත් එන්න බැහැනේ අපිට ඔෆිස් එකට, ෆැක්ටරි එකට, මේ මීඩියා එකට, ඉස්කෝලෙට. ඉතින් උහුලන්නම බැරි තැන තමයි මම කල්පනා කළේ දෙයියනේ කෝච්චි 125ක් කියන්නේ මිනිස්සු 125,000ක් අඩුම ගානේ ප්රමාද වෙනවා. කෝච්චි 7%ක් 8%ක් ඩිලේ වෙනවා. මට එන වාර්තාව 7%ක් 8%ක්. මම ඇහුවා. ඩිලේ නෙමෙයි කැන්සල් වෙනවා කෝච්චි. ඒ කියන්නේ කැන්සල් කියන්නේ සොරිමනේ. අරක නම් පරක්කු වෙලා හරි එනවා. ඒවා මොකක් හරි ඇක්සිඩන්ට් වෙලා නෙමෙයි. කෝච්චි කියන්නේ ඉතාම විශාල යන්ත්ර, විශාල මැෂින්. ඒවා ටිකක් පරණත් එක්ක. ගැටලු තියෙනවා. නමුත් කැන්සල් වෙනවා. මම දන්නවා කැන්සල් වෙන එක ගොඩක් වෙලාවට වෙන්නේ කාර්මික දෝෂනිසා විතරක්ම නෙමෙයි. ඉතින් මට බලන් ඉන්නම බැරි තැන තමයි මම ගියේ. ඉතින් මම වීඩියෝ කැමරා අරන් ගියේ නෑ. මට ඇත්තටම එහෙම අහේනියක් නෑ. මම ඇමැතිකම කරන්නේ ඒකට අදාළ කාලෙදී විතරයි. මම දැන් මෙතැන ඇමැතිකමක් කරන්නේ නෑ. මම සාමාන්ය මනුස්සයෙක්. මම රිසි සේ මම ආදරය කරන ජීවිතය ගතකරනවා. මට පක්ෂයෙන් දීලා තියෙනවා ඩියුටි එකක්, ඇමැතිකම කරන්න කියලා. මම ඒ වෙලාවට ඇමැතිකම කරනවා. නැතුව මම පිස්සෙක් නෙමෙයි මේ ඇමැති ඇඳුමක් ඇඳන් බුදියන්න. මට එහෙම රෝගයක් නෑ.
මම හිතන්නේ නෑ අපේ කාටවත් තියෙනවා කියලා. අපි සාමාන්ය මිනිස්සු. ඒකේ අපිට භූමිකා තියෙනවා. දැන් ඔබතුමා හැම වෙලාවෙම මාධ්යවේදියෙක් විදිහට ඉන්නේ නෑනේ. ඔබතුමා බැඳලා නම් ගෙදර ගියාම ස්වාමිපුරුෂයෙක් වෙන්න පුළුවන්. යාළුවෝ අතර යාළුවෙක්. මමත් එහෙමයි. මට කිසිම රෝගයක් නෑ. මම එහෙම මීඩියා හන්ග්රි කෙනෙක් නෙමෙයි. මීඩියා ක්රේසි කෙනෙක් නෙමෙයි. ඉතින් කවුරු හරි වීඩියෝ කරලා දාපු එකට මට කරන්න දෙයක් නෑ. නමුත් මම ගියේ ඇත්තටම, මම කෝච්චියේ ගිහිල්ලා තියෙනවා. මම නිතර කෝච්චියේ යන කෙනෙක් නෙමෙයි. ඉතින් මම බලාගත්තේ ඇයි මේ, මොකක්ද මේ හේතුව කියන එක.
නමුත් ඊට අමතරව අපි මහන්සි වෙනවා. මම එක සැරේ එහෙම ගියේ. ඊට අමතරව මම මිනිස්සුන්ගේ, මට පොත් සියයක ලියන්න තොරතුරු තියෙනවා. මම මිනිස්සුන්ට කියල වොයිස් රෙකෝඩ් කරලා තියෙනවා. සමහර ඒවා කියන්න වෙන්නේ නෑ, රෙකෝඩ් කරලා තියෙනවා. පුදුමාකාර තොරතුරු. ඇත්තටම හොඳ නෑ, දුම්රිය දෙපාර්තමේන්තුවේ අවංකව වැඩකරන නිලධාරීන්ට සැලකිය යුතු ප්රමාණයක් ඉන්නවනේ. නැත්නම් මට දාන්න පුළුවන් මෙතැන වොයිස් රෙකෝඩ්ස් සිය ගණනක්. මිනිස්සු සාප කරනවා. මේවට. මිනිස්සු පව්. හැබැයි ඉතින් මම කනගාටු වෙනවා අපේ ආණ්ඩුව ඇවිල්ලා මාස 10යි. මම ඇමැතිකම අරන් මාස 8යි. මට බැරි වෙලා තියෙනවා සහෝදරයා ඒ 38%ක 40%ක විතර ඩිලේ එක අඩු ගානේ 36%කට ගේන්න. ඒ කියන්නේ 1%ක්වත් අඩු කරන්න බැරි වෙලා තියෙනවා.
මාධ්යවේදියා
ඒ කියන්නේ තවමත් ප්රමාදයි?
අමාත්ය බිමල් රත්නායක
ඔව්, හොඳටම ප්රමාදයි. ඒ කියන්නේ මගේ අමාත්යාංශය යටතේ තියෙන දෙපාර්තමේන්තුව. නමුත් ඒවා අර අමාත්යාංශයෙන්ම පාලනය වෙන ආයතන නෙමෙයි.
මාධ්යවේදියා
කොහොමද මේක කරන්නේ?
අමාත්ය බිමල් රත්නායක
ඔව් ඉතින් ඒකට මහන්සි වෙනවා. මහන්සි වෙනවා. ඒකට මම හිතනවා ඒකේ ඉන්න හොඳ ස්ටේෂන් මාස්ටර්ස්ලා, හොඳ නිලධාරීන්, පහළ සේවක මහත්වරු, නෝනලා, ඒගොල්ලන් මම හිතන්නේ ටික ටික වෙනස් වෙයි. ඒකේ නායකත්වය මට්ටමින් හොඳම කැපවීම මේකට වෙන්නේ නැහැ.
ITN News – Sri Lanka
