හලාවත ධීවර වරායෙන් ධීවර රැකියාවට ගොස් අතුරුදන් වූ ධීවරයා වෙනුවෙන් මේ මොහොතේ හෝ කළ හැකි ඉහළම මැදිහත්වීම සිදු කර මේ අතුරුදන් වූ ධීවරයා සම්බන්ධයෙන් සොයා බැලිය යුතු බවත් ධීවර රැකියාවේ නිතර වූවන් ආපදාවලට ලක්වන විට ඒ ආපදාවලින් මුදවා ගැනීමට පැහැදිලි යාන්ත්රණයක් අප රටේ නොමැති වීම විශාල ගැටලුවක් බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
හලාවත ධීවර වරායෙන් ධීවර රැකියාට ගොස් අතුරුදන් වූ ධීවරයකුගේ නිවසට ගොස් ඔවුන් සම්බන්ධයෙන් සොයා බැලූ අවස්ථාවේ දී විපක්ෂ නායක සජිත් ප්රේමදාස මහතා මේ බව පැවසීය.
පාර්ලිමේන්තුවේදීත් ඉන් පිටතත් මෙවැනි යාන්ත්රණයක් සකස් කිරිමේ වැදගත්කම රජයට පෙන්වා දීමට තමා කටයුතු කරන බවත් මෙවැනි ආපදාවලදී රජය පැත්තෙන් මැදිහත්වන වැඩපිළිවෙළක් අවශ්ය බවත් විපක්ෂ නායක සජිත් ප්රේමදාස මහතා මෙහි දී වැඩිදුරටත් පැවසීය.
හලාවත ප්රදේශයෙහි වැල්ල ධීවර ගම්මානයේ ධීවරයන් දෙදෙනෙකු මීට දින 10කට පෙර සිය රැකියාව සඳහා මුහුදු ගිය අවස්ථාවේදී කුනාටුවකට අසූවී හදිසි අනතුරකට ලක්විය. මේ සම්බන්ධයෙන් රජයේ නිලධාරින් කොතෙකුත් දැනුවත් කළද කිසිත් නොවී ඇති අතර දින දහයකට පසුත් එක මළ සිරුරක් ගම්වාසීන් විසින් සොයාගත්තද අනෙක් ධීවරයා සොයාගන්නට නොහැකි වී තිබේ. මේ සම්බන්ධයෙන් දැනගත් විපක්ෂ නායක සජිත් ප්රේමදාස මහතා අද හලාවතට පැමිණි අවස්ථාවේ මෙසේ ආපදාවට පත්වූ පවුල් සොයා ඔවුන්ගේ නිවෙස්වලටම පැමිණියේය. එහි දී මියගිය අයගේ පවුලේ සාමාජිකයන් ද හමු වී ඔවුන්ගේ ගැටලු සම්බන්ධයෙන් සොයා බැලීය. එහි දී විපක්ෂ නායක සජිත් ප්රේමදාස එම අවස්ථාවේ දීම ගුවන් හමුදාපතිතුමන් මෙම ධීවරයා සොයා ගැනීමට ගුවන් සහාය ලබා දෙන ලෙස ඉල්ලා සිටි අතර එම ඉල්ලීමට කඩිනම් ප්රතිචාර දැක්වූ ගුවන්හමුදාපතිවරයා විසින් මෙම ධීවරයන් සොයා ගැනීමට හෙලිකොප්ටර් යානයක් යොදවා මෙහෙයුම් කටයුතු ආරම්භ කර ඇත.
මෙම අවස්ථාවට සමගි ජන බලවේගයේ පාර්ලිමේන්තු මන්ත්රී හෙක්ටර් අප්පුහාමි මහතා සහ චිත්රල් ප්රනාන්දු මහතා ඇතුළු පිරිසක් ද එක්විය.
