අප රටේ ආර්ථික මධ්යස්ථාන 18ක් ඇති අතර ඉන් 13ක් සක්රීයව ක්රියාත්මක බවත් තමා මේ ආර්ථික මධ්යස්ථාන ක්රියාත්මක වන්නේ භාරයක් හරහා බවත් තමා පසුගිය දිනක තඹුත්තේගම ආර්ථික මධ්යස්ථානයට ගිය අවස්ථාවේ දී එහි සිටින වෙළෙඳ ව්යාපාරිකයන් සහ ගොවියන් විසින් ප්රකාශ කළ ආකාරයට පරිපාලන ව්යූහයේ වෙනසක් ඇති කර මෙය පෞද්ගලික සමාගමකට පවරන්න යන බවට දැනගන්නට ලැබූ බවත් කෝටි 600ක පමණ වත්කම් මෙහි දේපල හා ඉඩම් අත්තනෝමතිකව පැවරීමට සිදු කරන බවට ගොවියන් චෝදනා එල්ල කරන බවත් විපක්ෂ නායක සජිත් ප්රේමදාස මහතා අද (23) පාර්ලිමේන්තුවේදී පැවසීය. Sri Lanka Latest News
වසර 33ක බදු ගිවිසුමක් හරහා තවත් පාර්ශ්වවලට මෙය පැවරීමේ හැකියාව ඇති බවත් බීජ, පොහොර, රසායන ද්රව්ය ආදී කෘෂි නිෂ්පාදන අලෙවි ජාලය පැවරීමට විධිමත් සාකච්ඡාවකින් තොරව කැබිනට් පත්රිකාවක් ඉදිරිපත් කර අනුමැතිය ගෙන ඇති බවත් මේ සම්බන්ධයෙන් නිසි පිළිතුරක් අවශ්ය බවත් විපක්ෂ නායකවරයා පැවසීය.
මෙවැනි වෙනසක් ඇති කරන්න හේතු පාර්ලිමේන්තුවට ඉදිරිපත් කරන ලෙසත් කැබිනට් පත්රිකාවක් ඉදිරිපත් කළේ කුමන අරමුණු මත ද කියා දැන ගැනීමට අවශ්ය බවත් ගොවි ජනතාවට මේ ගැටලුවලට නිසි විසඳුම් ලබා දිය යුතු බවත් මේ ගොවි ජනතාව ගෙන්වා විවෘතව සාකච්ඡා කළ යුතු බවත් මේ විශේෂිත ආර්ථික මධ්යස්ථාන පෞද්ගලික සමාගම්වලට දෙනවා කියා ගොවි ජනතාව චෝදනා කරන බැවින් මෙහි සත්ය හෙළි කළ යුතු බවත් විපක්ෂ නායකවරයා පැවසීය.
