බොක්ස් ඔෆිස් චිත්රපට එක දිගට හදාපු ප්රවීණ චිත්රපට අධ්යක්ෂ සේන සමරසිංහ මතකද? Sri Lanka Latest News
කාටද අමතක? නිල්ල සොයා ෆිල්ම් එකේ සින්දු ඇහෙනකොට, ඈතින් ඈතට ෆිල්ම් එකේ සින්දු ඇහෙනකොට ඔහු ගැන මතකය තව තව අලුත් වෙනවා.
සේන සමරසිංහ දැන් කෝ? මොනවද කරන්නේ?
ඔහු තම ජීවිතයේ සැඳෑ සමය විවේකීව ගතකරන වගට මෑතකදී මුහුණු පොතේ ඔහුගේ පින්තූරයකුත් එක්ක නිර්මාණය වෙලා තිබුණු පෝස්ටුවක සටහන් වෙලා තිබුණා. මේ අද්විතීය හසළ අත්දැකීම් ඇති සුවිශේෂ නිර්මාණකරු ගැන පුංචියට හරි සටහනක් හදවතින්ම තියන්න ඕනේ කියලා හිතුණේ ඔහුගෙන් සිංහල සිනමාවට සිදුවූ අමිල සේවාව එක මොහොතකට හෝ අමතක කරන්න බැරි නිසයි. ඒ වගේම එහෙම කරන එක ඔහුගේ චිත්රපට බලලා සතුටින් ‘ඒක මරු’ කියලා ඇංකෝර් එක දාපු අපි කරන ගුණමකුකමකුත් හින්දයි.
සේන සමරසිංහ මුලින්ම සිනමාවට ආවේ 1973 ‘සදහටම ඔබ මගේ’ ෆිල්ම් එක ප්රඩියුස් කරලයි. ඒ ෆිල්ම් එකෙන් ඔහුගේ ඥාති සහෝදරයෙක් වෙච්ච බන්දු සමරසිංහව විකට නළුවෙක් විදියට හඳුන්වා දුන්නා. ප්රඩියුසර්ගේ ජොබ් එකට ආයුබෝවන් කියලා සේන සමරසිංහ ඩිරෙක්ටර්ගේ වැඩේට බැස්සේ ඒක ඔහුගේ හිතට වැඩියෙන් රහට දැනුණු නිසා වෙන්න ඇති. ඒකට ආරම්භය ගත්තේ මතකයේ හැටියට කස්තුරි සුවඳ ෆිල්ම් එකෙන්. ඉන් පස්සේ සේනට නිස්කාංසුවක් තිබුණෙම නැහැ. ෆිල්ම ප්රඩියුසර්ලා ඔහුගෙන් ෆිල්ම්වලට දින ගන්න ඇඟිලි ගැන ගැන බලන් හිටියා. සේනගේ දිනපොතට විවේකයක් තිබුණෙම නෑ. අමුතු තාලේ කතා හදන මේ ආශ්වාදනීය නිර්මාණකරුගේ ෆිල්ම් ප්රේක්ෂකයන්ට මොන තරමට රහ වැටුණද කියනවා නම් හැම ෆිල්ම් එකක්ම දින සියය පැන්නුවා. හවුස් ෆුල් වෙච්ච ෆිල්ම් හෝල් ළඟ හැමදාමත් වාගේ කට්ටිය රොද බැන්දේ ඊළඟ ෂෝ එකට ටිකට් එක ගන්නයි.
ඕඩියන්ස් එක ප්රීතියෙන් ඔකඳ කරන කලාව සේනගේ හැම ෆිල්ම් එකකම ටොප් එකට තිබුණා. කස්තුරි සුවඳ, නිල්ල සොයා, ආශා දෑසින්, ඈතින් ඈතට, චංචල රේඛා වගේ ෆිල්ම්වල ඒ ටොප් එක ඕවර් ද ටොප් ලෙවල් එකට තිබුණා. ඒවායේ සින්දුවල රහට මිනිස්සු තවමත් හුඟක් තදින් ඇලුම් කරන්නේ තවමත් ඒ සින්දු පරණයි කියලා කවුරුවත්ම අහකට දාන්නේ නැත්තේ ඒ හින්දයි.
හෙළ සංගීත කලාවේ ප්රවීණයන්ව චිත්රපට පසුබිම් ගායනයට එක්කර ගත්ත අමරණීය ගෞරවයත් සේනට හිමිවිය යුතු වගත් මෙතැනදී නොකියාම බැහැ. මිල්ටන් මල්ලවාරච්චි, ප්රියා සූරියසේන, ග්රේෂන් ආනන්ද ඒ අතර විශේෂයි.
වාණිජ චිත්රපට කලාවට දැවැන්ත සේවාවක් කළ සේන සමරසිංහයන් ගැන ලියන්න නම් තව බොහෝ දෑ තිබෙනවා. ඒ බොහෝ දෑ කෙටියෙන් කියන්නේ නම් කියන්නට ඇත්තේ එකයි.
‘සේන, උඹ ගැන කියන්න හෝඩියේ අකුරු මදි…’
දමයන්ති රේණුකා ප්රනාන්දු
