හිටපු ජනාධිපති රනිල් වික්රමසිංහ මහතාගේ පාලන සමයේදී සිදුව ඇතැයි කියන පිරිපහදු නොකළ පොල්තෙල් ලංකාවට ගෙන්වා පිරිපහදු කොට බෙදාහැරීමේදී රජයට ගෙවිය යුතු රුපියල් බිලියන 5කට අධික මුදලක් නොගෙවා පැහැර හැර ඇති බවට කියන සිද්ධිය සම්බන්ධයෙන් පසුගියදා එස්.එම්. මරික්කාර් මහතා ආණ්ඩුවෙන් ප්රශ්න කළ අවස්ථාවේදී ආණ්ඩු පක්ෂය වෙනුවෙන් අමාත්ය වසන්ත සමරසිංහ මහතා ඊට පසුදින පිළිතුරු ලබා දෙන බව සදහන් කළද මේ දක්වා ඒ සම්බන්ධයෙන් කිසිදු පැහැදිලි කිරීමක් සිදුව නොතිබීම විශේෂ සිදුවීමකි.Sri Lanka Latest News
මේ සම්බන්ධයෙන් පළමු වරට ‘මව්රට’ පුවත්පත මගින් අතිවිශේෂ හෙළිදරව්වක් කරමින් කියා සිටියේ 2024 ජනවාරි පළමුවැනි දින සිට මෙසේ ආනයනික පිරිපහදු නොකළ පොල්තෙල් මත වැට් බදු පනවා ඇති බවට සදහන් කර තිබුණද එම වසර පුරාම මෙරටට පොල්තෙල් ගෙන්වන මහාපරිමාණ සමාගම් 3කින් බිලියන 5කට ආසන්න මුදලක් අයකරගෙන තිබුණේ නැති බවකි.
මෙහි ඇති අනෙක් විශේෂත්වය වන්නේ වික්රමසිංහ මහතාගෙන් පසු අනුර කුමාර දිසානායක මහතා බලයට පත්වුණද තවමත් බදු මුදල් අය කර ගැනීමට පියවර ගෙන නොතීබීමත්, ඉකුත් නොවැම්බර් මස හා දෙසැම්බර් මසද මේ අයුරින්ම බදු නොගෙවා පිරිපහදු නොකළ පොල්තෙල් මෙරටට ආනයනය කොට තිබීමත්ය.
අප මේ බව හෙළිකිරීමෙන් පසු මෙරට සියලුම මුද්රිත මාධ්ය මෙන්ම සමාජ මාධ්යද ඒ සම්බන්ධයෙන් වාර්තා කිරීමට පියවර ගෙන තිබිණ.
එහිදී එස්.එම්. මරික්කාර් මහතා අප පුවත්පත මගින් කළ හෙළිදරව්ව මෙන්ම අනෙකුත් මාධ්යද කළ හෙළිදරව් කිරීම් පාර්ලිමේන්තුවේ ගෙනහැර දක්වමින් මේ පිළිබද ප්රශ්න කරද්දී ආණ්ඩුව වෙනුවෙන් පිළිතුරු දුන් අමාත්ය වසන්ත සමරසිංහ මහතා කියා සිටියේ මුදල් අමාත්යංශ නිලධාරීන් සමග සාකච්ඡා කොට මේ පිළිබද පැහැදිලි කිරීමක් ඊට පසුදිනම ඉදිරිපත් කරන බවකි.
නමුත් අමාත්යවරයා මේ දක්වාම එම පැහැදිලි කිරීම සිදුකොට නොමැත.
ආණ්ඩුව විසින් ජනතාව කන බොන දෙයට පවා බදු පිට බදු ගසමින් ජනතාව පීඩාවට පත් කරද්දී බිලියන 5ක් අයකරගැනීමට ඇති හැකියාව අතහැර දැමීම සම්බන්ධයෙන් මේ දක්වා විපක්ෂය නිහඩව සිටීම පුදුම සහගත කාරණාවකි.
එමෙන්ම පුදුමයට කරුණ වන්නේ වගකිවයුතු විපක්ෂයෙන් වශයෙන් සමගි ජන බලවේගය පමණක් නොව, රනිල් වික්රමසිංහ පාර්ශ්වයද, විපක්ෂයේ අනෙකුත් පක්ෂ වන පොදුජන පෙරමුණ හෝ දෙමළ ජාතික සන්ධානය හෝ වෙනත් මන්ත්රීවරුන් හෝ ඒ පිළිබද වචනයක් හෝ කතා නොකිරීමය.
ඒ හේතුවෙන් බිලියන 5ක බදු මුදලක් නොගෙවා පැහැර හැරීමේ සිදුවීම පසුපස සිටින පුද්ගලයන් සමග විපක්ෂයේ මන්ත්රීවරුන්ගේ සබධතා ඇති බවට වූ බරපතළ සැකයක් මේ වනවිට සියලු පාර්ශ්වයන් වෙත මතුව තිබේ.
කෙසේවෙතත් මේ සම්බන්ධයෙන් පැහැදිලි කරගැනීම සදහා අප දේශීය ආදායම් දෙපාර්තමේන්තවේ කොමසාරිස් ජනරාල් ඩබ්ලිව්.ඒ.එස්. චන්ද්රසේකර මහත්මියගෙන් විමසීමක් කළෙමු.
එහිදී ඇය සදහන් කර සිටියේ තමන් ඒ සම්බන්ධයෙන් ස්වාධීන පරීක්ෂණයක් කිරීමට කමිටුවක් පත්කොට ඇති බවත්, ඔවුන්ගේ පරීක්ෂණයට තමන් බාධා නොකරන බවත්ය. එමෙන්ම වැඩිදුර තොරතුරු දැනගැනීමට අවශ්ය නම් නියෝජ්ය කොමසාරිස් ජනරාල් නාපාන මහතාගෙන් විමසීමක් කරන ලෙසටය.
ඒ අනුව අප නාපාන මහතාගෙන් විමසද්දී ඒ මහතා කියා සිටියේ ඒ පිළිබදව විමසිය යුත්තේ මුදල් අමාත්යංශයෙන් යැයි කියාය. දේශීය ආදායම් දෙපාර්තමේන්තුවෙන් ඒ පිළිබද විමසීමක් කොට ඇති නමුදු තවමත් මුදල් අමාත්යංශයෙන් පැහැදිලි කිරීමක් එවා නොමැති බවද නාපාන මහතා කීය.
