වර්තමානය වනවිට ස්ථාවර තැන්පතු සඳහා බැංකු පොලී අනුපාතිකය 7% හෝ 8% දක්වා පහළ යෑම නිසා වැඩිහිටි ප්රජාව දැඩි අපහසුතාවට පත්ව ඇති බව පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය. (Sri Lanka Latest News)
සාමාන්යයෙන් ලක්ෂ 10ක තැන්පතු සඳහා 15%ක පොලී අනුපාතිකය යටතේ ඔවුන්ට මාසිකව රුපියල් 12,500ක පමණ පොලී ආදායමක් උපයා ගැනීමට හැකිවූ නමුත් මේ වනවිට පොලී අනුපාතිකය 8% දක්වා අඩුවීම නිසා ඔවුන්ට උපයාගැනීමට හැකිවී ඇත්තේ මාසයකට රුපියල් 6,500කට ආසන්න මුදලකි.
මෙය මාසිකව පුද්ගලයකුගේ වියදම් පියවා ගැනීම සඳහා කිසිසේත් ප්රමාණවත් වන්නේ නැත.
ජන හා සංඛ්යාලේඛන දෙපාර්තමේන්තුවට අනුව මෙම දරිද්රතා මායිම 2024 සැප්තැම්බර් වනවිට රුපියල් 16073කි.
එනම්, පුද්ගලයකුට දරිද්රතාවයෙන් මිදීමට මාසික ආදායම අඩුම වශයෙන් රුපියල් 16,100කට වඩා වැඩිවිය යුතුය.
මේ අනුව පැහැදිලි වන්නේ ස්ථාවර තැන්පතු මත ජීවත්වන බහුතරයක් වැඩිහිටි ජනතාව ඔවුන්ගේ පොලී ආදායම පහළ යෑම නිසා දැඩි අපහසුතාවකට පත්ව ඇති බවයි.
මේ තුළ වැඩි පිරිසක් වැඩිහිටි කාන්තාවන් සිටින බව සඳහන් කළ හැකි යැයිද මහාචාර්යවරයා පැවැසීය.
ලංකාවේ අවුරුදු 60ට වැඩි පුද්ගලයන් 27,18,000ක් පමණ සිටින අතර, එයින් 12,04,000ක් (44%ක්) පිරිමි වේ. කාන්තාවන් 15,14,000ක් (55%ක්) පමණ සිටී.
මේ අයගෙන් ලක්ෂ 12කට ආසන්න ප්රමාණයක් වයස අවුරුදු 60 වීමට පෙර ඉපයූ ආදායම්වලින් කොටසක් ස්ථාවර තැන්පතු ලෙස බැංකුවල තැන්පත් කොට එමගින් ලැබුණු මාසික පොලී ආදායමෙන් ජීවත් වීම සඳහා හුරුව සිටී.
ප්රේමලාල් විජේරත්න
