DFCC තැන්පතු හිමියන්ට සුවිශේෂී සහනයක්

ස්ථාවර තැන්පතු මගින් මාසික ආදායම් ලබන්නන් ඉලක්ක කරගනිමින් ෘත්‍ක්‍ක්‍ බැංකුව විසින් මෑතකදී හඳුන්වා දෙන ලද ස්ථාවර තැන්පතු ප්‍රවර්ධන වැඩසටහනට විශාල ප්‍රතිචාරයක් ලැබුණු බව, DFCCබැංකුවේ උප සභාපති (තැන්පතු සහ ආයතනික ව්‍යාපාර) ඇන්ටන් ආරුමුගම් මහතා පවසයි. පහත දැක්වෙන්නේ ඒ මහතා සමග කරන ලද සම්මුඛ සාකච්ඡාවකි.
විශේෂ ස්ථාවර තැන්පතුවක් හඳුන්වා දීමට DFCC බැංකුව කටයුතු කළේ ඇයි?
මේ වනවිට ශ්‍රී ලංකාව ඇතුළුව මුළු ලෝකයම කොවිඞ්-19 වසංගතයේ බලපෑමට හසුවී තිබෙනවා. මේ නිසා, මාසික පොලී ආදායම් ලබන්නන්ට තම මූල්‍යමය අවශ්‍යතාවන් සපුරාගැනීමට අත්වැලක් වශයෙන්, මෙවැනි විශේෂ ස්ථාවර තැන්පතුවක් හඳුන්වා දීමට අප තීරණය කළා.
රටේ පුරවැසියන් අතරින් සැලකිය යුතු පිරිසක් තම මාසික වියදම් සපුරා ගැනීම සඳහා ස්ථාවර තැන්පතුවලින් ලැබෙන පොලී ආදායම භාවිතා කරන බව අප දුටුවා. එම නිසා, අවුරුදු 55ට වැඩි පුරවැසියන්ට වඩාත් ඉහළ පොලියක් ලබාදෙන ස්ථාවර තැන්පතු ක්‍රමයක් හඳුන්වා දිය යුතු යයි කියා අප තීරණය කළා. මෙම ක්‍රමය යටතේ සුදුසුකම් ලබන සියලුම පුරවැසියන්ට 2020 මැයි 31 දක්වා මෙම විශේෂ වාසිය ලබාගැනීමට පුළුවන්.
මේ වනවිට ලැබී ඇති ප්‍රතිචාර කෙබඳුද? මෙහි මූලික අරමුණ ඉටුවී ඇති බව ඔබ සිතනවාද?
අප බලාපොරොත්තු වූවාටත් වඩා හොඳ ප්‍රතිචාරයක් මේ වනවිට අපට ලැබී තිබෙනවා. ඇත්ත වශයෙන්ම DFCC බැංකුව යනු මේ අභියෝගකාරී සමයේ ගනුදෙනුකරුවන් වෙනුවෙන් මෙවැනි මූල්‍ය විසඳුම් හඳුන්වා දුන් මුල්ම බැංකු අතරින් එකක්. මෙවැනි ස්ථාවර තැන්පතුවක් මගින් විශාල සහනයක් අත්වන නිසා දිවයින පුරාම ජනතාව මේ සම්බන්ධයෙන් විශාල වශයෙන් උනන්දුවක් දක්වන බව අපට දැනටමත් පෙනීගොස් තිබෙනවානේ.
මෙම විශේෂ දීමනාව සම්බන්ධයෙන් සමාජ මාධ්‍ය හා ඩිජිටල් මාධ්‍ය ඔස්සේ දැනුවත් කිරීම් සිදුකිරීමට අප කටයුතු කළා. ඒ වගේම ීඵී මාර්ගයෙන්ද ගනුදෙනුකරුවන් දැනුවත් කිරීම සිදුකෙරුණා.
විශිෂ්ට තලයේ බැංකුකරණ විසඳුම් සහ ඉහළම මට්ටමේ පාරිභෝගික සේවාවක් ලබාදීමට අමතරව, අපගේ ඩිජිටල් බැංකුකරණ ක්‍රමවේදයන් හරහා ජනතාවට වඩාත් සුරක්ෂිත හා පහසු ලෙස බැංකු සේවාවන් ලබාගැනීමට අවස්ථාව සලසා දීමටත් අප කටයුතු කර තිබෙනවා. එමෙන්ම මේ දුෂ්කර කාලයේදී ජනතාවට මුදල් ආපසු ලබාගැනීමට අවශ්‍ය වන නිසා, තමන් පදිංචි ප්‍රදේශවලදීම එලෙස මුදල් ආපසු ගැනීම් හා ශේෂය විමසීම් යනාදී සේවාවන් ලබාගැනීමට හැකිවන ආකාරයට ජංගම බැංකු සේවා රථ යෙදවීමටත් අප පියවර ගත්තා.
පවතින තත්ත්වය යටතේ ෘත්‍ක්‍ක්‍ බැංකුව රටේ සංවර්ධනයට දායක වීමට බලාපොරොත්තු වන්නේ කෙසේද?
වසර 64 කට අධික සාඩම්බර ඉතිහාසයක් සහිත වගකීම්සහගත බැංකුවක් ලෙස ෘත්‍ක්‍ක්‍ බැංකුව ඉතිහාසය පුරා සෞභාග්‍යමත් කාලවලදී මෙන්ම දුෂ්කර කාලවලදීත් රටේ ආර්ථික හා සමාජයීය ප්‍රගතියට උරදී තිබෙනවා.
අප විසින්, රජය මගින් මහ බැංකුව හරහා නිකුත් කර ඇති සහන සැපයුම් මාර්ගෝපදේශවලට අනුව, කොවිඞ්-19 වසංගත තත්ත්වය නිසා පීඩාවට පත්වී සිටින ගනුදෙනුකරුවන්ට මූල්‍යමය සහන සැලසීමට දැනටමත් කටයුතු කර ඇත. DFCCබැංකුව යනු රටේ පිළිගත් ව්‍යාපාර රාශියකට මූල්‍ය සම්පාදනයෙන් දායක වී ඇති බැංකුවක්. මේ ව්‍යාපාරවල ආරම්භයේ සිටම දීර්ඝ කාලයක් පුරා, සාර්ථක කාලපරිච්ඡේද මෙන්ම දුෂ්කර අවස්ථාවලදීද ශක්තියක් වීමට අප කටයුතු කර තිබෙනවා. ඇත්ත වශයෙන්ම රටේ සාර්ථක ව්‍යාපාර රාශියක් ආරම්භක අවධියේදී ෘත්‍ක්‍ක්‍ බැංකුවෙන් මූල්‍ය පහසුකම් ලබාගෙන, ජාත්‍යන්තර වෙළෙඳපොළට නිෂ්පාදන හා සේවාවන් සපයන ප්‍රමුඛ පෙළේ අපනයනකරුවන් බවට පත්වී සිටිනු දැකීම සතුටට කරුණක්.