Metro Logistics International දෙවැනි වරටත් ඇගයීමට ලක්වේ

ශ්‍රී ලාංකේය ලොජිස්ටික් කර්මාන්තයේ ප්‍රමුඛතම ආයතනයක් වන Metro Logistics International (Pvt) Ltd ආයතනය, සිය ජාත්‍යන්තර සබඳතා තවදුරටත් පුළුල් කරගනිමින් ඉන්දියාවේ මුම්බායි නගරය කේන්‍ද්‍ර කරගනිමින් සිය සේවාවන් සැපයීම සඳහා MLI Logistic India (Pvt) Ltd නමින් සිය නවතම සමාගමක් ස්ථාපනය කිරීම පසුගිය මාසයේදී සිදුවිය.
Metro Logistics International (Pvt) Ltd සමාගම බහාලුම් නැව්ගත කිරීමෙන් සිය ව්‍යාපරය ආරම්භ කළ අතර, එහිදී වැඩි අවධානයක් යොමු කරනු ලැබුවේ ODC (Over Dimension Cargo) ප්‍රවාහන කාර්යය සඳහාය. ක්‍රම ක්‍රමයෙන් සමාගමක් ලෙස සිය ස්ථාවරත්වය මෙම ක්‍ෂේත්‍රය තුළ ඇතිකරගත් Metro Logistics International (Pvt) Ltd ආයතනය අන්තර්ජාතික වශයෙන් සිය සබඳතාවන් පුළුල් කරගනිමින් ජාත්‍යන්තර තත්ත්වයේ සේවාවක් සිය ගණුදෙනුකරුවන් වෙත ලබාදීමට සමත් විය. එහිදී සිංගප්පූරුව කේන්‍ද්‍ර කරගනිමින් MLI CONTAINER LINES (S) PTE. LTD නමින් ඔවුනගේ සමාගමක් ස්ථාපනය කරගැනීමට සමත් වූ එම සමාගම එමඟින් සක්‍රීය සේවාවක් ජාත්‍යන්තර වශයෙන් ලබාදීමට සමත් විය.