මහ කන්නයේ පොහොර සහනාධාරය සඳහා රුපියල් 25,000ක් ලබාදීමට ජනාධිපතිවරණ සමයේ ගෙන තිබූ රජයේ තීරණය ජනාධිපතිවරණය අවසන් වීමෙන් පසු ක්රියාත්මක කළ හැකි බවට මැතිවරණ කොමිසම ගෙන තිබූ තීරණයට අනුව මෙම පොහොර සහනාධාරය ලබාදීමේ ගැටලුවක් නැතැයි මැතිවරණ කොමිසමේ සභාපති ආර්.එම්.ඒ.එල් රත්නායක මහතා ‘මව්රට’ට පැවැසීය. (Sri Lanka Latest News)
මෙම ගැටලුව නිරාකරණය කරමින් කෘෂිකර්ම අමාත්යාංශයේ ලේකම්වරයාට ලිඛිතව දැනුම්දීමක් කරන බවද ඒ මහතා පැවැසීය.
දැනට මහ මැතිවරණය ප්රකාශයට පත්කර තිබියදී මැතිවරණ නීතිය මත නව තීරණ ගැනීම තහනම් බවයි ඔහු සඳහන් කළේ.
මෙම ගැටලුව මතුවූ අවස්ථාවේ ගොවිජන සම්මේලනයේ ජාතික සංවිධායක නාමල් කරුණාරත්න මහතා වගකිව යුතු අංශ වෙත පෙන්වා දී තිබුණේ මහ කන්නය දැන් ආරම්භ වී ඇති බවත්, ඒ සඳහා පොහොර යෙදීමට නොහැකි වුවහොත් වී නිෂ්පාදනයේ යෙදී සිටින අටලක්ෂයක් ගොවීන් අමාරුවේ වැටෙන බවයි.
මහ කන්නය මැතිවරණය අවසන් වනතුරු කල් දැමීමට නොහැකි බවත්, එවැන්නකින් සිදුවන්නේ බත සපයන ගොවීන්ට ජනතාවගේ ආාහර අවශ්යතාව ලබාදීමට නොහැකි වන බවද ඔහු පෙන්වා දී ඇත.
ප්රේමලාල් විජේරත්න
