සංවිධානාත්මක අපරාධකරුවන් සහ මත්ද්රව්ය ජාවාරම්කරුවන් අත්අඩංගුවට ගැනීමේ මෙහෙයුම් සෑම කොට්ඨාසයක් භාර නියෝජ්ය පොලිස්පතිවරුන් සහ ජ්යෙෂ්ඨ පොලිස් අධිකාරිවරුන්ගේ ඍජු අධීක්ෂණය යටතේ විනිවිදභාවයෙන් යුතුව සිදුකරන ලෙස වැඩබලන පොලිස්පති ප්රියන්ත වීරසූරිය මහතා අදාළ නිලධාරීන්ට නියෝග කොට තිබේ. (Sri Lanka Latest News)
මෙම මෙහෙයුම්වලදී මහජනයාගේ සහාය ලබාගැනීමට අවශ්ය සෑම ක්රියාමාර්ගයක්ම ගන්නා ලෙස තම ගම් ප්රදේශවලට ඇතුළු වන නාඳුනන පුද්ගලයන් පිළිබඳ රහසිගත තොරතුරු ලබාගැනීමට ගම්බද නගරබද ජනතා විශ්වාසය දිනාගන්නා ලෙසද ඔවුන්ට උපදෙස් දී ඇතැයි වැඩබලන පොලිස්පතිවරයා ‘මව්රට’ට පැවැසීය.
දැනට විසිරුවා හැර ඇති යුක්තිය මෙහෙයුම පිළිබඳ ‘මව්රට’ පොලිස්පතිවරයාගෙන් විමසූ විට ඔහු සඳහන් කළේ එම මෙහෙයුම්වලදී අත්අඩංගුවට ගන්නා ලද සැකකරුවන්ට අදාළව රජයේ රස පරීක්ෂක අංශවලද ගැටලු මතුවී ඇති බවයි.
මත්ද්රව්යවලට ඇබ්බැහි වූවන් සියලු දෙනා මත්ද්රව්ය ජාවාරම්කරුවන් නොවන බවත්, ඔවුන් පුනරුත්ථාපනය කර සමාජයට ගැනීමට නම් ඔවුන් වෙන් වශයෙන් හඳුනාගෙන නීතිය ක්රියාත්මක කළ යුතුව ඇති බවයි ඔහු සඳහන් කළේ.
ප්රේමලාල් විජේරත්න
