13 වැනි ආණ්ඩුක්රම ව්යවස්ථා සංශෝධනය ගැන රටේ ඇතැම් දේශපාලන පක්ෂවල නායකයෝ සෘජුව ම කතා කරන්නවත් බය වී ඇති තත්ත්වයක් මත වත්මන් විපක්ෂ නායක සජිත් ප්රේමදාස මහතා මේ සම්බන්ධයෙන් දකුණේදීත් උතුරේදීත් සෘජුව ම කතා කරන ආකාරය මේ දිනවල මාධ්ය මඟින් දැක ගත හැකි ය. Sri Lanka Latest News
ඇතැම් දේශපාලන පක්ෂවල නායකයෝ තමන්ගේ ඡන්ද මල්ල වැඩි කර ගන්න 13 වැනි ආණ්ඩුක්රම ව්යවස්ථා සංශෝධනය ක්රියාත්මක කිරීම සම්බන්ධයෙන් දකුණේ සිංහල ජනතාවට එක කතාවක් කියනකොට උතුරේ දමිළ ජනතාවට කියන්නේ තවත් කතාවක්. ඒත් උතුරේත් දකුණේත් ජීවත් වන ජනතාව කිසිඳු බෙදීමකින් තොරව එක හා සමානව ආමන්ත්රණය කරන්න පුළුවන් වුණේ සහ නොබියව උතුරේදීත් දකුණේදීත් 13 වැනි ආණ්ඩුක්රම ව්යවස්ථා සංශෝධනය බලාත්මක කරන බවට ප්රකාශ කිරීමට හැකි වූයේ වත්මන් විපක්ෂ නායක සජිත් ප්රේමදාස මහතාට පමණ යි.
මැයි 1 වැනි දාට යෙදී ඇති ලෝක කම්කරු දිනය සමරමින් කොළඹ පැවැති සමගි ජන බලවේග මැයි රැළියේ දී වත්මන් විපක්ෂ නායක සජිත් ප්රේමදාස මහතා සෘජුව ම කියා සිටියේ 13 වැනි ආණ්ඩුක්රම ව්යවස්ථා සංශෝධනය ක්රියාත්මක කරන්න කැපවන බව යි. එහි දී ඔහු මෙසේද පැවසීය.
“මෙරට බහුතරයක් වූ සිංහල ජනතාව සම්බන්ධ කර ගෙන මේ බංකොලොත් රටේ තිබෙන බරපතල දේශපාලන ගැටලු, විශේෂයෙන්ම සිංහල නොවන ජනතාව මුහුණ දෙන ප්රශ්නවලට තිරසර විසඳුමක් ලබා දෙන්න කටයුතු කරනවා. එලෙස ම 13 වැනි ආණ්ඩුක්රම ව්යවස්ථා සංශෝධනය ක්රියාත්මක කරන්නත් කැපවෙනවා..”
එසේ ම පසුගිය ජුනි 9 වැනි දා කිළිනොච්චිය භාරතී විද්යාලයට සක්වල සුහුරු පන්ති කාමර ලබා දීමේ අවස්ථාව සඳහා එක්වෙමින් ද හෙතෙම කියා සිටියේ 13 වැනි ආණ්ඩුක්රම ව්යවස්ථා සංශෝධනය ක්රියාත්මක කරනා බව යි. එහි දී ද විපක්ෂ නායක සජිත් ප්රේමදාස මහතා මෙසේ පැවසීය.
“අපි අනිවාර්යෙන් ම පොරොන්දු වෙනවා මේ රටේ උත්තරීතර නීතියේ සඳහන් වෙන 13 වැනි ආණ්ඩුක්රම ව්යවස්ථා සංශෝධනය ක්රියාත්මක කරන්න. එදා මම මේක මැයි දිනයේදීත් ප්රකාශ කළා. අදත් කියනවා. ඒත් සමහරුන්ගෙන් මේ ගැන ඇහුවම භූමිතෙල් දාපු ගැරඩියෝ වගේ දගලනවා. බය යි. කොන්දක් නැහැ ඒ අයට. ආත්ම ශක්තියක් නැහැ මේ වගේ කෙළින්ම කියන්න. අපි ඔබේ සිවිල් හා දේශපාලන අයිතිවාසිකම් ආරක්ෂා කරනවා සේම ආර්ථික, සමාජීය, ආගමික, සංස්කෘතික, අධ්යාපන හා සෞඛ්ය අයිතිවාසිකම් මූලික අයිතිවාසිකම් ලෙස සලකා ආරක්ෂා කරනවා. මේ නිසා අපේ රට කැඩෙන්නේ නැහැ බෙදෙන්නේ නැහැ කියලා අපිට විශ්වාස යි. උතුරට එක නීතියක් දකුණට එක නීතියක් බස්නාහිරට තව නීතියක් නැගෙනහිරට තව නීතියක් තිබෙන්න නැහැ. ජාති ආගම් වශයෙන් නීති ක්රියාත්මක වෙන්නත් බැහැ. එහෙම ක්රියාත්මක වෙන්න අපි ඉඩ තියන්නෙත් නැහැ..”
