සියලු දේ සම්පූර්ණ නිදහසක් රටට අවශ්ය බවත් තිස් වසරක කොට් ත්රස්තවාදයේ මිදුණත් ආර්ථික ත්රස්තවාදීන්ගේ ග්රහණයට ලක්ව ඇති බවත් ඒ නිසා රට බංකොලොත් වී ජනතාවගේ පොදු සම්පත්, පොදු දේපල හා රටේ සල්ලි අමු අමුවේ හොරකම් කළ සහ හොරකම් කරන යුගයක සිටින බවත් මේ යුගය අවසන් කර රටෙන් හොරා කන ලද මුදල් නැවත රටට ලබා ගත හැකි යුගයක් බිහි කළ යුතු බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ (4) සක්වල සුහුරු පන්ති කාමර ලබා දීමේ වැඩසටහනේ 84 වැනි අදියර යටතේ රත්ගම දේවපතිරාජ විද්යාලයට රුපියල් ලක්ෂ 10ක් වටිනා සුහුරු පන්ති කාමර උපකරණ ලබා දීමේ අවස්ථාවට එක්වෙමිනි.
සක්වල නිසා කාගෙවත් දේශපාල මතවලට හානි කර ගන්න ඕනි නැහැ
දියුණු අදහස් තිබෙන මේ ජන සමාජයේ සමහර ගනුදෙනු කෙරෙන්නේ හිංසනය ප්රචණ්ඩත්වය කඩුවෙන් කිනිස්සෙන් බෝම්බයෙන් උණ්ඩයෙන් බවත් එවැනි ගනුදෙනු කරන විට මානවයාගේ දියුණුවත් සමඟ ජන සමාජයේ ප්රගතියක් ලබා ඇත් ද කියා සිතිය යුතු බවත් බුද්ධිමත් වන විට සාකච්ඡාවෙන් සම්මුතියෙන් එකගතාවෙන් මිත්රශීලීත්වයෙන් තර්ජනයෙන් ගර්ජනයෙන් භීෂණයෙන් තොර දියුණු මානව ශිෂ්ඨාචාරයක පුද්ගලයන් හැසිරුණු ආකාරය වෙනස් වන බවත් විපක්ෂ නායකවරයා පැවසීය.
සක්වල වැඩසටහන හරහා සුහුරු පන්ති කාමර උපකරණ ලබා දෙන විට එම පරිත්යාගය නරකැයි කියන පිරිසකුත් සිටින බවත් මෙම පරිත්යාගයෙන් ඔවුන්ගේ දේශපාලන මතයට හානියක් වේ යැයි සිතුවත් එසේ නොසිතන ලෙස ඉල්ලා සිටින බවත් මෙම වැඩසටහන හරහා පාසලට අගයක් එකතු වන බවත් විපක්ෂ නායකවරයා පැවසීය.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 56කට රුපියල් ලක්ෂ 1719ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 80 ක් සඳහා රුපියල් ලක්ෂ 50ක් වටිනා බස් රථ 80ක් ලබා දී ඇති අතර ඒ සඳහා රුපියල් ලක්ෂ 3892ක් ද සක්වල තොරතුරු තාක්ෂණ වැඩසටහන යටතේ පාසල් 84ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 813ක් වැය කර තිබේ.
