ලංකාවේ තුන්වැනි මරණය වාර්තා කරමින් කොරෝනා වෛරසය ආසාදිත තවත් පුද්ගලයෙකු අයි.ඩී.එච්. රෝහලේ දී ඊයේ (01) රාත්රීයේ දී මියගොස් ඇත.
මියගොස් ඇත්තේ 73 හැවිරිදි මරදාන ප්රදේශයේ පදිංචිකරුවෙකු බව සඳහන් වන අතර එම පුද්ගලයා හට කොවිඩ් නයින්ටීන් වෛරසය ආසාදනය වී ඇති බවට හඳුනා ගනු ලැබුවේ ද ඊයේ දිනයේ ය.
රෝගී තත්ත්වය වසන් කරමින් ශ්රී ජයවර්ධනපුර රෝහලට ඇතුළත් වී ඇති මෙම පුද්ගලයා සම්බන්ධයෙන් සිදුකළ වෛද්ය පරීක්ෂණයකින් අනතුරුව ඔහුට වෛරසය ආසාදනය වී ඇති බවට තහවුරු වී තිබුණි.
එම රෝගියා හඳුනාගෙන කොළඹ IDH රෝහලට මාරු කරන අවස්ථාවේ (on Admission Death) දී මිය ගොස් තිබේ.
මෙම රෝගියා දියවැඩියාව, අධික රුධිර පීඩනය, දීර්ඝ කාලින වකුගඩු අඩපණ වීම ආදි රෝග තත්ත්වයන්ගෙන් පෙළී ඇතැයි සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා පවසයි.
