ඖෂධ හිඟය පියවමින් ඖෂධවලින් රෝහල් පද්ධතියම පිරවීමට සෞඛ්ය බලධාරීන් කටයුතු කළද දැනට සිටින වෛද්යවරුන්, විශේෂඥ වෛද්යවරුන් රැකගැනීම තවදුරටත් පමා කළහොත් රෝගීන්ගේ ජීවිත අවදානමට ලක්වීම වළක්වාගත නොහැකි බව රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ මහතා ‘මව්රට’ට පැවැසීය. (ISri Lanka Latest News)
දැනටමත් රෝහල් 40ක් පමණ වැසී යෑමේ අවදානමට පත්ව ඇති බවට සෞඛ්ය බලධාරීන් පවා පිළිගෙන ඇති බව සඳහන් කළ වෛද්ය විජේසිංහ මහතා පැවැසුවේ වෛද්ය හිඟය තවදුරටත් ව්යාප්ත වුවහොත් ඇතැම් රෝහල් පමණක් නොව විශේෂඥ වෛi ප්රතිකාර අංශ මෙම වසර අවසාන වන විට වැසීයෑමට ඉඩ ඇති බවයි.
මෙම ප්රශ්නය අවසන් කිරීමට වගකිව යුතු අංශ යම් යම් එකඟතාවන්ට ඒමට දරන උත්සාහයන් ඇතැම් පිරිස් වෙනතකට හැරවීමට උත්සාහ දරන බවටද තම සංගමයට තොරතුරු ලැබී ඇති බවයි ඔහු සඳහන් කළේ.
රජය ඒ ගැන අවබෝධයෙන් කටයුතු නොකළහොත් මේ රටේ මානව සම්පත රටට අහිමි කරමින් සෞඛ්ය සේවාව බරපතළ අර්බුදයකට ලක්වීම අනිවාර්යයෙන්ම සිදුවන බවද ඔහු පැවැසීය.
වෛද්යවරුන්ට බලපා ඇති ආර්ථික සහ බදු අර්බුදයට සාධනීය පිළිතුරක් අපේක්ෂාවෙන් තම සංගමය තව ටික දිනක් බලාපොරොත්තුසහගතව සිටින බවද විජේසිංහ මහතා පැවැසීය.
ප්රේමලාල් විජේරත්න
