‘කෝවිඞ් 19’ හෙවත් නව කොරෝනා වෛරසය ඇතුළු තවත් වෛරස් වර්ග හඳුනා ගැනීමේ පි. ආර්සී. යන්ත්රයක් අග්රාමාත්ය මහින්ද රාජපක්ෂ මහතා සෞඛ්ය අමාත්යංශයට පරිත්යාග කළේය.
විජයරාමයේ පිහිටි අග්රාමාත්ය මහින්ද රාජපක්ෂ මහතාගේ නිවසේදී සෞඛ්ය අමාත්ය පවිත්රා වන්නිආරච්චි මහත්මියට එම යන්ත්රය භාරදීම සිදුවූ අතර එය ඩොලර් 30000ක වටිනාකමකින් යුක්ත කොරියාවේ නිෂ්පාදිත යන්ත්රයක් බව පැවසේ.
මෙම වෛරස් රෝග හඳුනාගැනීමේ යන්ත්රයට කෙටි වේලාවක් ඇතුළුත වෛරස් රෝග හදුනා ගැනීමේ හැකියාව ඇති අතර මෙය පහසුවෙන් රැගෙන යා හැකි කුඩා යන්ත්රයක් වීම විශේෂත්වයකි.
මෙය අග්රාමාත්යවරයාට ලැබුණු පෞද්ගලික ත්යාගයක් බව පැවසේ.
මෙම අවස්ථාවට ජනාධිපති ගෝඨාභය රාජපක්ෂ මහතා, ඩබ්. ඩී.ජේ. සෙනෙවිරත්න මහතා, එස්. එම්. චන්ද්රසේන මහතා ද එක් වූහ.
