පසුගිය කාලයේ විශාල වශයෙන් මෙරට මත්පැන් අලෙවි සැල් ආරම්භ වූ බවත් වත්මන් රජය ද සංචාරක කර්මාන්තය දියුණු කිරීමේ මුවාවෙන් සිය මිතුරන්ට මත්පැන් අලෙවි බලපත්ර විකුණන බවට සැකයක් ඇති වී තිබෙන බවත් ඇතැම් ප්රදේශවල නව මත්පැන අලෙවි සැල් නිසා එම ප්රදේශවල ජනතාව ප්රකෝපකාරී වූ බවත් පන්සල් හා පාසල් ආශ්රිතව මත්පැන් අලෙවි සැල් ආරම්භ කර ඇති නිසා බාල වයස්කරුවන් ද මත්පැන් හි ගොදුරක් වීමේ අවදානමක් ඇතිව තිබෙන බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
ජනතාව වැඩි වශයෙන් මත්පැන් භාවිතයට යොමුවීම සුචරිත සමාජයකට බාධාවක් බැවින් එවැනි තත්ත්වයක් නිර්මාණය නොවීමට වගබලා ගැනීම රජයේ වගකීමක් බවත් එසේ නොවුනහොත් මහජන කැළඹීම් පවා ඇති විය හැකි බවත් තමන්ගේ දේශපාලන හිතවතුන්ට බියර් බලපත්ර හෙවත් මෘදු මත්පැන් බලපත්ර ලබා දීම නිසා ප්රදේශ රැසක ගැටුම් තත්ත්ව ඇති වූ බවත් විපක්ෂ නායකවරයා මෙහි දී පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (7) පාර්ලිමේන්තුවේ දී 27 (2) යටතේ බීරහල් බලපත්ර ලබා දීම සම්බන්ධයෙන් ප්රශ්න කරමිනි.
සංචාරක කර්මාන්තය ක්රියාත්මක නොවන බල ප්රදේශවලත් මෙම බියර් බලපත්ර ලබා දී ඇති බවත් මෙයින් පෙනී යන්නේ අනාගත මැතිවරණයක් උදෙසා රජයට මුදල් සෙවීමට ලබා දුන් බලපත්රයක් බවත් මේ සම්බන්ධයෙන් සමගි ජන බලවේගය විසින් සංගණනයක් සිදු කරන බවත් ඊට අමතරව රජයෙන් නිල වශයෙන් එය දැනුම් දිය යුතු බවත් විපක්ෂ නායකවරයා තවදුරටත් පැවසීය.
තව ද ව්යාජ ආරක්ෂිත ස්ටිකර් අලවා මත්පැන් අලෙවි කිරීමේ සිදුවීමක් රට තුළ දක්නට ලැබෙන බවත් සුරාසැල් 100ක පමණ තිබී මෙවැනි මත්පැන් 100000ක් පමණ අත්අඩංගුවට ගෙන ඇති බවත් මේ වන විට සුරාබදු දෙපාර්තමේන්තුවේ රාජගිරියේ පිහිටි ගොඩනැගිල්ලේ එම බෝතල් ගබඩා කර ව්යාජ ස්ටිකර් වෙනුවට සැබෑ ස්ටිකර් යොදවා එම ප්රශ්න යට ගැසීමේ මහා කුමන්ත්රණයක් ක්රියාත්මක වන බවත් විපක්ෂ නායකවරයා මෙහි දී අනාවරණය කළේය.
මෙසේ ආරක්ෂිත ස්ටිකරයක් ව්යාජ ලෙස මුද්රණය කිරීම කූට ලේඛන සකස් කිරීමක් බවත් මේ සදහා අපරාධ නීතිය හරහා දඩුවම් ලබා දිය යුතු බවත් එය බරපතල ගැටලුවක් බවත් සමථකරණය හරහා එය විසදිය නොහැකි බවත් මේ වංචාවන්ට ආයතන ප්රධානීන් ඇතුළු සමහර රජයේ බලධාරීන් ඒවා යට ගැසීමට කටයුතු කරන බවත් විපක්ෂ නායකවරයා තවදුරටත් මෙහි දී පැවසීය.
මෙය රටේ බදු ආදායම අඩු වීමක් බවත් එබැවින් හොර අරක්කු ජාවාරම ප්රචලිත නොකර එය වලක්වා වැඩ කරන ජනතාවට ගසා ඇති බදු අඩු කරන ලෙසත් විපක්ෂ නායක සජිත් ප්රේමදාස මහතා මෙහි දී ඉල්ලා සිටියේය.
