ඩිජිටල් සේවා බද්දක් සම්බන්ධයෙන් ශ්රී ලංකා බලධාරීන් සමඟ සාකච්ඡා නොකළ බව ජාත්යන්තර මූල්ය අරමුදල (IMF) පවසනවා.Sri Lanka Latest News
එලෙසම පුද්ගලික අංශය වෙනුවෙන් ජාත්යන්තරව පිළිගත් බදු ක්රමවේදයක් සඳහා OECD (ආර්ථික සහයෝගිතාව සහ සංවර්ධනය සඳහා වූ සංවිධානය) සහ G20 වෙත කාලරාමු එකඟතාවයක් සඳහා නිර්දේශ ඉදිරිපත් නොකළ බවද ඔවුන් කියනවා.
ශ්රී ලංකාවේ ඩිජිටල් සේවා බදුකරණය පිළිබඳ එහි උපදෙස් සම්බන්ධයෙන් මාධ්ය වාර්තා සහ විමසීම්වලට ප්රතිචාර වශයෙන් IMF වෙතින් මේ කරුණු ඇතුළත් ප්රකාශය නිකුත් කර තිබෙනවා.
සැප්තැම්බර් මාසයේ පැවැත්වීමට නියමිත විස්තීරණ අරමුදල් පහසුකම (EFF) වැඩසටහනේ පළමු සමාලෝචනයේ දී ඩිජිටල් සේවා බද්දක් ක්රියාත්මක කිරීමේ වාසි සහ අභියෝග ගවේෂණය කිරීම ඇතුළත් වන අතිරේක ආදායම් උත්පාදනය කිරීමේ වඩාත් ඵලදායී ක්රම පිළිබඳව බලධාරීන් සමඟ සාකච්ඡා කිරීමට IMF අදහස් කරන බවයි කියන්නේ.
රටේ සහ එහි ජනතාවගේ යහපත වෙනුවෙන් සේවය කරන ප්රතිසංස්කරණ ක්රියාත්මක කිරීම සඳහා ශ්රී ලංකා බලධාරීන් සමඟ එක්ව කටයුතු කිරීමට IMF සිය කැපවීම ප්රකාශ කරමින් සිටින බව ඔවුන් පවසනවා.
