රජයේ රෝහල්වල හදිසි ප්රතිකාර ඒකකයන්හි සේවය කළ විශේෂඥයන් 30 දෙනාගෙන් 23 දෙනකුම මේ වන විට රට හැරගොස් ඇතැයි රජයේ වෛද්ය නිලධාරීන්ගේ සංගමය සඳහන් කරයි. (Sri Lanka Latest News)
මිට අමතරව ස්නායු රෝග විශේෂඥ වෛද්යවරුන් 29 දෙනාගෙන් පස් දෙනකුම මේ වන විට රට හැරගොස් ඇතැයිද එම සංගමයේ සභාපති විශේෂඥ වෛද්ය දර්ශන සිරිසේන පැවැසීය.
විදේශ පුහුණුව නිමකර මෙරටට පැමිණි විශේෂඥ 8 දෙනාගෙන් මෙරට රැදී ඇත්තේ දෙදෙනකු පමණක් බවත් ඉතිරි පස්දෙනා මේ වන විට රට හැරගොස් ඇති බවත්, මෙය මහත් ඛේදවාචකයක් බවට ඉදිරි වසර කීපය තුළදී පත්වීම පුදුමයක් නොවන බවත් විශේෂඥවරයා පෙන්වා දෙයි.
කෙසේ නමුත් සාමාන්ය වෛද්යවරයකු බිහිකිරීමට වසර 7ක පමණ කාලයක් ගතවන අතර, විශේෂඥ වෛද්යවරයකු බිහිකිරීමට වසර 10ක පමණ කාලයක් ගතවීම මෙම ගැටලුව ප්රධාන හේතු වී ඇත.
වෛද්යවරුන්ට නිසි වැටුපක් නොදීම, නිල නිවාස නොමැතිකම වැනි හේතු නිසා ඔහුවු රටහැර යාම පුදුමයක් නොවන බවත්, මොවුන් මෙරට රඳවා ගැනීමට සෞඛය අමාත්යංශය තුළ නිසි වැඩපිළිවෙළක් නොමැති බවත් හෙතෙම වැඩිදුරටත් පෙන්වා දුන්නේය.
lankasara
