පසුගිය වසරේ ජුනි මාසයේදී බලයෙන් පහකළ හිටපු ජනාධිපති ගෝඨාභය රාජපක්ෂට සාමාන්යයෙන් විදේශ අමාත්යවරයාට නිල බලයෙන් හිමි ස්ටැන්මෝර් ක්රෙසන්ට්හි පිහිටි රාජ්ය අනුග්රහයෙන් නඩත්තු වන නව සුඛෝපභෝගී මන්දිරයක් වෙන්කර ඇතැයි ඩේලි මිරර් වාර්තා කරයි. (Sri Lanka Latest News)
විශ්රාමික රාජ්ය නායකයන්ගේ වරප්රසාද සහ වරප්රසාද පාලනය කරන නීතියට අනුව ශ්රී ලංකාවේ හිටපු ජනාධිපතිවරුන්ට රාජ්ය අනුග්රහය දක්වන නිවෙසක් හිමිවේ. කෙසේ වෙතත් මහජන නැගිටීමෙන් පසු ගෝඨාභය රාජපක්ෂ සිය ධුර කාලය මැද ධුරයෙන් ඉවත්වූ බැවින් ඔහුට එවැනි පහසුකමක් ලබාදීම සම්බන්ධයෙන් නීතිය පැහැදිලි නැත.
කොළඹ 7 ස්ටැන්මෝර් ක්රෙසන්ට් හි පිහිටි ඉහත කී සුඛෝපභෝගී මන්දිරය සාමාන්යයෙන් පවරා තිබෙන්නේ මේ මොහොතේ සේවය කරන විදේශ අමාත්යවරයාටය. ගෝඨාභය රාජපක්ෂට මෙම නිවෙස ලබාදීමට විදේශ අමාත්ය අලි සබ්රි කැමැත්ත පළකළ බව තතු දත් ආරංචි මාර්ග සදහන් කළේය. මෙම නිවෙසේ මීට පෙර පදිංචිව සිටියේ නැසීගිය විදේශ අමාත්ය මංගල සමරවීරය. ඩේලි මිරර් වෙත වාර්තා වන්නේ එම නිවෙස ගෝඨාභයට ලබාදීමට පෙර විශාල ලෙස ප්රතිසංස්කරණය කර තිබූ බවයි.
ආර්ථික අර්බුදය කළමනාකරණය කරගැණීමට ඔහුට ඇති නොහැකියාවට එරෙහිව වැඩෙන කෝපයෙන් පසුගිය වසරේ ජූලි මාසයේදී ධුරයෙන් ඉල්ලා අස්වූ වහාම ගෝඨාභය රාජපක්ෂට මලලසේකර මාවතේ රජයේ මන්දිරයක් වෙන්කරන ලදී.
වෙන් කළ මන්දිරය ඝෝෂාකාරී බව පවසමින් ගෝඨාභය රාජපක්ෂ අවසානයේ එම නිවෙසෙන් ඉවත්වූ බවත්, ඔහු වෙනුවෙන් දැවැන්ත ආරක්ෂක භට පිරිසක් යොදවා තිබියදීත් ඔහු තම ආරක්ෂාව පිළිබද ගැටලු මතුකළ බවත් ආරංචි මාර්ග සඹ්හන් කරයි. අනතුරුව දැඩි ආරක්ෂාවක් යොදා තිබූ මිරිහාන නිවෙසට පැමිණි රාජපක්ෂ නව මන්දිරයක් ඉල්ලා සිටියේය.
හිටපු ජනාධිපතිවරයාගේ මෙම නව ඉල්ලීම පැමිණි පසු විදේශ අමාත්ය අලි සබ්රි එහි පදිංචිව නොසිටි බැවින් ඊට කැමැත්ත ලබාදී ඇති බව දැනගන්නට ඇත.
මේ අතර විදේශ කටයුතු අමාත්ය අලි සබ්රි විසින් හිටපු ජනාධිපති ගෝඨාභය රාජපක්ෂට ස්ටැන්මෝර් ක්රෙසන්ට් හි නව නිල නිවෙසක් ලබාදී ඇති බව පාර්ලිමේන්තු මන්ත්රී ශානක්ය රාසමානික්කම් ඊයේ (07) පාර්ලිමේන්තුවේදී චෝදනා කළේය
එම චෝදනාව ප්රතික්ෂේප කළ අමාත්ය රමේෂ් පතිරණ කියා සිටියේ එවැන්නක් සිදුවී නොමැති බවත් කිසිවකුට නිල නිවාස ලබාදීමට විදේශ අමාත්යවරයාට බලයක් නොමැති බවත්ය.
lankasara
