මේ වනවිට රට තුළ මතුව ඇති උග්ර ඖෂධ හිගය සහ සෞඛ්ය ක්ෂේත්රයේ ගැටලු සම්බන්ධයෙන් ඊයේ පැවැති ආණ්ඩු පක්ෂ මන්ත්රී කණ්ඩායම් රැස්වීමේදී පොහොට්ටු මන්ත්රීවරුන් සෞඛ්ය අමාත්ය කෙහෙළිය රඹුක්වැල්ල මහතාගෙන් දැඩිව ප්රශ්න කර ඇති බව වාර්තා වේ.
මෙහිදී මන්ත්රීවරුන් බොහෝ දෙනකු පෙන්වා දී ඇත්තේ තමතමන්ගේ දිස්ත්රික්කවල ඇති රෝහල්වල ඖෂධ හිගය මේ වනවිට උග්රව පවතින බවකි.
මෙහිදී කුරුණෑගල දිස්ත්රික් පොහොට්ටු පාර්ලිමේන්තු මන්ත්රී සුමිත් උඩුකුඹුර මහතා අවධාරණය කොට ඇත්තේ මේ වනවිට කුරුණෑගල රෝහලේ CT ස්කෑන් යන්ත්රය කැඩී මාස 3ක් ගතව ඇති බවත්, තවමත් එය යථා තත්ත්වයට පත් කොට නැති බවත්ය.
එම යන්ත්රය සේවා කිරීමේ ගිවිසුම දීර්ඝ නොකිරීමේ ගැටලුවක් මත මෙම තත්ත්වය මතුව ඇති බවද උඩුකුඹුර මන්ත්රීවරයා පෙන්වා දී ඇත.
මන්ත්රීවරුන්ගේ මෙම ප්රශ්නවලට කෙහෙළිය රඹුක්වැල්ල මහතා පිළිතුරු ලබා දී තිබුණද මන්ත්රීවරුන් එම පිළිතුරුවලින් සෑහීමකට පත් නොවූ බවක්ද දැනගන්නට තිබේ.
Sumith Udukumbura
