2019 වසරේ සිට රුහුණු විශ්ව විද්යාලයේ උපකුලපතිවරයා වශයෙන් කටයුතු කරනු ලබන සුජීව අමරසේන මහතාගේ මර්දනකාරී වැඩපිළිවෙල යටතේ සරසවි ප්රජාවට (අධ්යයන, අනධ්යන කාර්ය මණ්ඩලය සහ ශිෂ්යයන්) දැඩි බලපෑමට ලක්ව ඇතැයි වාර්තා වන බවත් විශ්ව විද්යාලයීය ආචාර්ය සමිති සම්මේලනය (FUTA) මගින් මෙම උපකුලපතිවරයාගේ මර්දනකාරී වැඩපිළිවෙල සම්බන්ධයෙන් ක්ෂේත්ර 5ක් යටතේ, සාක්ෂි 86ක් සහිතව සකස් කෙරුණු සවිස්තර වාර්තාවක් අධ්යාපන අමාත්යවරයාට ලබා දී තිබෙන බවත් විපක්ෂ නායක සජිත් ප්රේමදාස මහතා පැවසීය. අධ්යාපන අමාත්යවරයා විසින් මේ පිළිබඳව නිසි බලධරයන් පත් කොට කඩිනම් ක්රියාමාර්ග ගැනීමට කටයුතු කරන බව පවසා තිබෙන නව වාර්තා වන අතර මෙහි ප්රගතිය මොකක් ද කියා නායකතුමා අධ්යාපන අමාත්යවරයාගෙන් විමසා සිටියේය.
මීට අමතරව, විශ්ව විද්යාලයීය ආචාර්ය සමිති සම්මේලනයේ (FUTA) ලේකම් සහ, රුහුණු විශ්ව විද්යාලයීය කථිකාචාර්යවරයෙක් වන රොහාන් ලක්සිරි මහතා ඝාතනයට තැත් කිරීම පිළිබඳව විශ්ව විද්යාලයේ පරිපාලනයට ද චෝදනා නැගෙන බව පැවසූ විපක්ෂ නායකතුමා මේ සම්බන්ධයෙන් සිදු කරන ලද පරීක්ෂණවල ප්රගතියද විමසා සිටියේය.
විශ්ව විද්යාලයක් පැවතිය යුතු නිදහස්, සාමකාමී, ප්රජාතන්ත්රවාදී අදහස් දැක්වීමේ ඉඩකඩ නැති කරලා, අත්තනෝමතික ලෙස මර්දනකාරී සංස්කෘතියක් ඇති කරන්න උපකුලපතිවරයා විසින් කටයුතු කර ඇතැයි පැවසූ විපක්ෂ නායකතුමා සිසුන්ට සමාජ ජාලා භාවිතා කරමින් සන්නිවේදනය කරන්න සීමා පනවා ඇති බව වාර්තා වන්නේ යැයිද පැවසීය.
