20 වන සංශෝධනය සම්මත කර ගැනීම සදහා ජන්දය ලබා දීමට ප්රථම මුස්ලිමේ කොංග්රසයේ මන්ත්රීවරුන් අගමැති මහින්ද රාජපක්ෂ මහතා සමග සකච්ජා කළ බවට මෙම් වනවිට තොරතුරු අනාවරණය වී තිබේ.
ඒ මුස්ලිම් කොංග්රසයේ නියෝජ්ය නායක එච්. එම්. එම්. හාරිස් මහතා කළ අනාවරණයකට අනුවය.
ශ්රී ලංකා මුස්ලිම් කොංග්රසයේ මන්ත්රීවරුන් 4 දෙනෙකු 20 වැනි සංශෝධනය සම්මත කරගැනීම සඳහා ශ්රී ලංකා පොදුජන පෙරමුණට සහාය ලබාදුන්නේ සිය පක්ෂ නායක රවුෆ් හකීම් මහතාගේ අනුමැතිය ඇතිව බවද ඒ මහතා එහිදී සදහන් කොට ඇත.
“අපි සියල්ල අධ්යනය කරලා නායකතුමාගේ ප්රධානත්වයෙන් පැවති සාකච්ඡාවේදී හෘද සාක්ෂියට අනුව ඡන්දය පාවිච්චි කරන්නට තීන්දු කරගත්තා. ඒකට නායකතුමාත් අනුමැතිය ලබාදීලායි තිබුණේ. මම කිසි දවසක බොරු කියන්නේ නැහැ. මගේ කල්මුණේ ප්රදේශයේ ඉඳලා මේක වගකීමෙන් යුතුව කියන්නේ. ගත්තු තීන්දුවකට පටහැණිව අපි ඡන්දය පාවිච්චි කරපු බවක් පක්ෂයේ කවුරුහරි කියනවා නම් මනෝ ගනේෂන් මහත්තයා අරවින්ද් කුමාර් මහත්තයාව පක්ෂයෙන් ඉවත් කරපු ආකාරයට පක්ෂ ව්යවස්ථාව අනුව අපිවත් ඉවත් කරන්න පුළුවන්, නමුත් එවැන්නක් තාම සිදුවුණේ නෑ. ඒකට හේතුව, නායකතුමාගේ අනුමැතිය ඇතිව තමයි අපි 4 දෙනාම ඡන්දය දුන්නේ. මාධ්යයට කියන්න බැරි බොහෝ දේවල් තියෙනවා. පසුගියදා අපේ පාර්ලිමේන්තු මන්ත්රීවරුන් 4 දෙනාත් පක්ෂයේ ජ්යේෂ්ඨයින් කිහිපදෙනෙකුත් අග්රාමාත්යවරයා සහ ආණ්ඩුවේ ප්රධානීන් කිහිපදෙනෙකු හමුවෙලා සාකච්ඡා කළා කියන එක ඇත්ත” යනුවෙන් ඒ මහතා සඳහන් කළේය.
