Xiaomi , ගෝලීය ප්රමුඛපෙළේ වෙළෙඳපළ පර්යේෂණ ආයතනයක් වන IDC හි නවතම ගෝලීය ජංගම දුරකථන කාර්තු අළෙවි සමීක්ෂණ වාර්තාවට (Q3 2020) අනුව ශ්රී ලංකාවේ දෙවන වශාලතම ජංගම දුරකථන සන්නාමය බවට පත්වූ බව පසුගියදා නිවේදනය කළේය.
2018 වසරේ අගභාගයේදී පමණ දේශීයව සිය මෙහෙයුම් ආරම්භ කිරීමට යොමුව ඉතා කෙටි කාලයක් තුළ පළමුවරට මෙවැනි ජයග්රහණයක් හිමිකරගැනීමද සුවිශේෂී කරුණකි.
විශේෂයෙන් Xiaomi මගින් හඳුන්වා දෙනු ලැබූ Mi සහ Redmi යන ස්මාර්ට් ජංගම දුරකථන මාලාව ඔස්සේ මෙම ජයග්රහණය හිමිකර ගැනීමට සමත්වු අතර, වර්තමානය වන විට දියත් කරනු ලැබූ ඒකක වලට සාපේක්ෂව සමස්ත වෙළෙඳපලෙන් 16.86% ක ප්රතිශතයක් හිමිකරගෙන ඇති මෙම ආයතනය, පසුගිය කාර්තුවේ සිය අළෙවිය තුන් ගුණයක වර්ධනයක් ඇතිකර ගැනීමටද සමත්ව ඇත.
Xiaomi ශ්රී ලංකා හි සාමාන්යාධිකාරි විද්යා සාගර් මහතා අදහස් දක්වමින් ප්රකාශකර සිටියේ, “ Xiaomi ශ්රී ලංකා ආයතනය විදිහට අපි ලාංකීය වෙළෙඳපළ තුළ දෙවන විශාලතම ජංගම දුරකථන සන්නාමය බවට පත්වීම අපි ලැබූ විශාලම ජයග්රහණයක් වෙනවා. සෑම අයෙකු වෙතටම නවතම නිෂ්පාදනයන් ලබාදීමේ අපගේ මෙහෙයුම යටතේ අපගේ Mi රසිකයන් වෙනුවෙන් ආයතනයක් විදිහට අපි තවදුරත් කැපවීවෙනවා.
තවද වැඩිදුරටත් අදහස් දක්වමින් ප්රකාශ කර සිටියේ, “ආරම්භයේ සිටම අප කෙරෙහි විශ්වාසය තබමින්, අපි සමඟ එක්වූ හිතවත් ගනුදෙනුකරුවන්ට වගේම Mi දුරකථන රසිකත්වයට අපගේ කෘතඥතාවය පිරිනැමිය යුතුයි. විශේෂයෙන්ම අපේ ගමනේ ආරම්භයේ සිටම පරිශීලකයින්ගේ විශ්වාසය ඉහළින්ම දිනාගනිමින් ඔවුන් වෙත උසස් තත්ත්වයේ මෙන්ම සාධාරණ මිල ගණන් යටතේ නිෂ්පාදන ලබාදෙමින් ඔවුනගේ ජීවියේ පාර්ශ්වකරුවන් වීම අපේ ආරම්භයේ සිටම අරමුණ වුනා. එම කාර්යය අනාගතයේදී වඩාත් සාර්ථක ආකාරයෙන් කිරීමටත් අපි අපේක්ෂා කරනවා.”
විශේෂයෙන් ශ්රී ලාංකීය වෙළෙඳපළ තුළ මෙම සන්නාමය අලුත් අවුරුදු සහ නත්තල් වැනි උත්සව සමයන් කේන්ද්ර කරගනිමින් ක්රමයෙන් වර්ධනයවීමේ තත්ත්වයක් ඇති විය. මෙයට අමතරව Xiaomi දේශීය අන්තර්ජාල විකුණුම් සහකරු වන Daraz.com ඔස්සේ සිය වෙළෙඳ සන්නාමය දේශීයව ව්යාප්ත කරලීම සඳහා දක්වනු ලැබුවේ ඉහළ දායකත්වයකි. තවද දිවයින පුරා ව්යාප්ත 1100 කට අධික අලෙවි නියෝජිතයන්ගෙන් සමන්විත ජාලය තුළින් සිය මෙහෙයුම් කාර්යයන් ශක්තිමත් ආකාරයෙන් දියත් කිරීමට යොමුවීමද සුවිශේෂි වූ කරුණකි.
Xiaomi Corporation පිළිබඳව
2010 වසරේ අප්රේල් මාසයේදී ආරම්භ වූ Xiaomi Corporation 2018 වසරේ ජූලි මස 9 වන දින හොංකොං කොටස් හුවමාරුවේ ලැයිස්තුගත විය. (1810 HK) Xiaomi . ඞස්දපස යනු මූලික වශයෙන් IoT පදනමක් සහිත, ස්මාර්ට්ෆෝන් සහ ස්මාර්ට් හාඞ්වෙයාර් නිපදවන අන්තර්ජාල සමාගමක් ලෙස හැඳින්විය හැක. සිය පාරිභෝගිකයන්ට බෙහෙවින් සමීප වෙමින්, නිරන්තරයෙන් නව සොයාගැනීම් සිදුකරමින්, උසස්ම ප්රමිතියෙන් යුතුව ඒවා වෙළඳපොළට හඳුන්වා දීම එම සමාගමේ ප්රධානතම අරමුණ වී තිබේ. මේ ආකාරයට නවීන තාක්ෂණය ඔස්සේ පාරිභෝගිකයන්ගේ ජීවිත වඩාත් යහපත් කරන නිෂ්පාදන, ‘අවංක’ මිලගණන් යටතේ වෙළඳපොළට නිකුත් කිරීමට සමාගම කටයුතු කරයි. දැනට ලොව හතරවැනි විශාලතම ස්මාර්ට්ෆෝන් සන්නාමය ලෙස සැලකෙන Xiaomi , ස්මාර්ට්ෆෝන් සහ ලැප්ටොප් පරිගණක හැර අනෙකුත් ස්මාර්ට් උපාංග මිලියන 271 කට අධික සංඛ්යාවක් සම්බන්ධ කරමින් ලොව විශාලතම පාරිභෝගික IoT පදනම ස්ථාපිත කර තිබේ. මේ වනවිට ලොව රටවල් හා කලාප 90 කට අධික සංඛ්යාවක් වෙත Xiaomi නිෂ්පාදන ව්යාප්ත වී ඇත.
2020 අගෝස්තු මාසයේදී සමාගම දෙවන වරටත් Fortune Global 500 ලැයිස්තුවට ඇතුළත් වීමට සමත් විය. මේ වනවිට සමාගමට එම ලයිස්තුවේ 422 වන ස්ථානය හිමි වී ඇති අතර එය පසුගිය වසරට සාපේක්ෂව ස්ථාන 46 ක් ඉදිරියට පැමිණීමකි. 2020 මැයි මාසයේදී සමාගම යළිත් වරක් Forbes Global 2000 ලැයිස්තුවට ඇතුළත් වූ අතර, එහි 384 වන ස්ථානය හිමිකර ගැනීමට සමත් විය.
Xiaomi මේ වනවිට Hang Seng Index, Hang Seng China Enterprises Index, Hang Seng TECH Index යන දර්ශක වල ලැයිස්තුගත වී තිබේ.
වැඩි විස්තර සඳහා පිවිසෙන්න: https://blog.mi.com/en/
