පාර්ලිමේන්තු නව සැසිවාරයේ ආසන පැනවීමේදී තමන්ට විපක්ෂයේ ආසනයක් වෙන් කරන ලෙස ශ්රී ලංකා නිදහස් පක්ෂයේ උප සභාපති කුමාර වෙල්ගම මහතා පාර්ලිමේන්තු නිලධාරීනට දැනුම් දී තිබේ.
ශ්රීලනිපය ඉකුත් ජනාධිපතිවරණයේදී ගෝඨාභය රාජපක්ෂ මහතා සමග අවබෝධතා ගිවිසුමකට අස්සන් තබා ඔහුට සහාය පළ කළද වෙල්ගම මහතා රාජපක්ෂ විරෝධී ස්ථාවරයක සිට අදහස් දැක්වීමක නිරත විය.
ඒ අනුව තමන්ට කිසිසේත්ම ආණ්ඩු පක්ෂයේ අසුන්ගත නොහැකි බව පෙන්වා දී ඇති ඒ මහතා 2015 සිට කටයුතු කළාක් මෙන් විපක්ෂයේ හිදිමින් කටයුතු කරන බව ප්රකාශ කොට තිබේ.
නව පාර්ලිමේන්තු සැසිවාරය ලබන 03 වැනිද ආරම්භ වීමට නියමිතය.
