කෑගල්ලේ ධම්මික කපු මහතා විසින් කොරෝනා රෝගයට බෙහෙතක් ලෙස සකස් කරන ලදැයි කියන කොරෝනා පැණිය බෝතලයක් රුපියල් 48,500කට විකිණීම සදහා ප්රකට අන්තර්ජාල විකුණුම් සේවාවක් වන e-bayහි පළ කර ඇති බවට ‘මව්රට’ පුවත්පත විසින් කළ අනාවරණයෙන් පසුව අදාළ පිරිස් විසින් එම දැන්වීම ඉවත් කර ගැනීමට පියවර ගෙන ඇත.
ඒ අනුව මේ වනවිට අදාළ දැන්වීම e-bayහි දැකගන්නට නොමැත.
කොරෝනා වැක්සින් යනුවෙන් නම් කරමින් ප්රචාරය කර තිබූ මෙම දැන්වීම සඳහා ධම්මික බණ්ඩාර කපුවා විසින් කතානායකවරයා වෙත කොරෝනා පැණිය ලබාදෙන ආකාරයේ ඡායාරූප, සෞඛ්ය අමාත්යවරිය වන පවිත්රා වන්නිආරච්චි මහත්මිය විසින් කොරෝනා පැණිය බොන අවස්ථාව, කෑගල්ලේ ධම්මික බණ්ඩාරගේ නිවස අසල කොරෝනා පැණිය ලබාගැනීමට පොරකන ජනතාවගේ ඡායාරූප පළකිරීමට පියවර ගෙන තිබිණ.
එම දැන්වීමට අනුව කොරෝනා පැණි බෝතලයක මිල ඇමෙරිකානු ඩොලර් 250කි. එය ලංකාවේ මුදලින් රුපියල් 48,500කි.
එමෙන්ම තැපැල් ගාස්තුව සඳහා ඩොලර් 10ක අමතර මුදලක්ද අය කරන බව සඳහන්ව තිබිණ.
