කොළඹ ප්රදේශයෙන් වාර්තා වූ පළමු කොරෝනා රෝගියාගේ පුත්රයා හටද කොරෝනා රෝගය ආසාදනය වී ඇති බවට කටකතා පැතිර යාමත් සමග එම දරුවා ඉගෙනුම ලබන පාසලේද, එම මාර්ගෝපදේශකයා රාජකාරී කළ ස්ථානයේද කලබලකාරී තත්ත්වයක් මතුව ඇති බව වාර්තා වේ.
මෙම දරුවා කොළඹ ආනන්ද විද්යාලයේ 12 වසරේ ඉගෙනුම ලබන අතර අනෙක් සහෝදරයාද එම විදුහලේ 8 වසරේ ඉගෙනුම ලබන බව වාර්තා වේ. නමුත් ඔවුන්ට තවමත් එම රෝගය වැළදී ඇති බවට තහවුරු වී නොමැත.
ඒ අනුව අද දින කොළඹ ආනන්ද විද්යාලයේ කිසියම් කලබලකාරී තත්ත්වයක් මතුව ඇති බව වාර්තා වේ.
මේ අතර වයිරසය ආසාදනය වූ 50 හැවිරිදි මෙම පුද්ගලයා වොක්ෂෝල් වීදියේ පිහිටි එයිට්කන් ස්පෙන්ස් ආයතනයට සම්බන්ධව රාජකාරී කර ඇති අතර හෙතෙම පසුගිය සිකුරාදා එම ආයතනයට ගොස් බොහෝ වේලාවක් එහි සිව්වන මහලේ රැදී සිට ඇති බව දැනගන්නට ඇත.
එමෙන්ම එදින ඔහු මුදල් අයකැමි සමග බොහෝ වේලාවක් කතාබහ කරමින් සිට මුදල් පියවා ඇති බවත්, ආයතනයේ විදුලි සෝපානවල සහ පොදු ස්ථානවල සිට ඇති බවත් දැනගන්නට තිබේ.
මේ තත්ත්වය යටතේ එයිට්කන් ස්පෙන්ස් ආයතනයේ සිව්වන මහල මේ වනවිට සම්පූර්ණයෙන්ම නිරෝධායන කටයුතු ආරම්භ කොට ඇති අතර සේවකයන් 5 දෙනකු අංගොඩ පිහිටි අයි.ඩී.එච්. රෝහල වෙත යොමු කර ඇති බවද දැනගන්නට ඇත.
