දිවයිනේ පැරැණි ජනප්රිය පාසල් දෙකක් වන තර්ස්ටන් විද්යාලය සහ ඉසිපතන විද්යාලය අතර වාර්ෂිකව පැවැත්වෙන ‘සහෝදරයන්ගේ මහා ක්රිකට් තරගය’ මෙවර 62 වැනි වතාවටත් මෙම පෙබරවාරි මස 21, 22 සහ 23 යන දිනවලදී පැවැත්වීමට කටයුතු යොදා ඇත. මෙලෙස තෙදිනක් පුරා මෙම ක්රිකට් තරගය පැවැත්වෙන ප්රථම අවස්ථාව මෙය වෙයි.Sri Lanka Latest News
වෙවර තරගය කොළඹ එස්.එස්.සී. ක්රීඩාංගනයේදී පැවැත්වීමට කටයුතු යොදා ඇත. මෙම මහා ක්රිකට් තරගයේ විස්තර මාධ්ය සදහා හෙළිකිරීම උදෙසා පසුගියදා විදුහල් දෙකෙහි විදුහල්පතිවරුන් සහ ක්රීඩා සහ ආදිශිෂ්ය සංගම් නායකයන්ගේ ප්රදානත්වයෙන් ප්රවෘතත්ි සාකච්ඡාවක්ද පවත්වන ලදී. ප්රධාන ක්රිකට් තරගයට අමතරව එයට සමගාමීව පැවැත්වෙන වාර්ෂික එක්දින ක්රිකට් තරගය ලබන මාර්තු මස 09 වැනිදා කොළඹ පී. සරා ඕවල් ක්රීඩාංගනයේදී සහ පන්දු වාර 20 තරගය මාර්තු මස 02 වැනිදා කොළඹ කොල්ට්ස් ක්රීඩාංගනයේදී පැවැත්වීමට කටයුතු යොදා ඇත. මේ අනුව ක්රිකට් තරග තුනක් පැවැත්වීමට සිදුවනු ඇත.
පසුගිය වසර 62ක තර්ස්ටන්-ඉසිපතන ක්රිකට් ඉතිහාසය තුළ 06 වතාවක් මහා ක්රිකට් තරගය තර්ස්ටන් විද්යාලය විසින් දිනාගෙන ඇති අතර, 04 වතාවක් ඉසිපතන විද්යාලය විසින් තරගය ජයග්රහණය කර ඇත. එයට අමතරව 50 වතාවක් ජය පරාජයකින් තොරව තරගය අවසන්ව ඇති අතර, එක් වාතවක් තරගය පවත්වා නැත. මෙවර තෙදිනක් පුරා තරගය පැවැත්වෙන හෙයින් බොහෝ විට ජයග්රහණ ප්රතිඵලයක් හිමිවනු ඇතැයි විශ්වාස කෙරේ.
ප්රියන්ත හෙට්ටිගේ
