මාලිමා ආණ්ඩුවේ පළමු අමාත්ය මණ්ඩල සංශෝධනය සිදුකරමින් පසුගිය සිකුරාදා දිනයේ (10) ජනාධිපති අනුර කුමාර දිසානායක මහතා විසින් ආණ්ඩුවේ ප්රබලතම ඇමැතිවරයා වූ බිමල් රත්නායක මහතාගෙන් වරාය සහ සිවිල් ගුවන් සේවා අමාත්යාංශය ඉවත් කිරීම පිළිබඳ මේ වනවිට විශාල ආන්දෝලනයක් දේශපාලන ක්ෂේත්රයේ මතුව තිබේ.Sri Lanka Latest News
මේ සම්බන්ධයෙන් පාර්ලිමේන්තුවේදී අදහස් දක්වමින් තමිල් අරසු පක්ෂයේ පාර්ලිමේන්තු මන්ත්රී ශානක්යන් රාසමානික්කම් මහතා සඳහන් කර සිටියේ අදාළ පුවත දුටු සැණින් තමන් සතුටට පත්වූ බවත්, කිසිදු පරීක්ෂාවකින් තොරව රේගුවෙන් නිකුත් කරනු ලැබූ කන්ටේනර් බහාලුම් 323 සම්බන්ධ ප්රශ්නය මුල්කොට ගෙන බිමල් රත්නායක මහතා එම ඇමැති ධුරයෙන් ඉවත් කළාදැයි කීමට තමන් නොදන්නා බවය.
කෙසේ වෙතත් ඊට ප්රතිචාර දක්වමින් මුදල් නියෝජ්ය අමාත්ය අනිල් ජයන්ත මහතා ප්රකාශ කළේ එවැනි කිසිදු ගැටලුවක් නොමැති බවත්, වඩාත් හොඳින් වගකීම් ඉටුකිරීමේ අරමුණ ඇතිව විෂයයන් පැවරීම සිදුකර ඇති බවත්ය.
කෙසේ වෙතත් දේශපාලන ක්ෂේත්රයේ බොහෝ දෙනා මේ සම්බන්ධයෙන් අදහස් දක්වමින් කියා සිටින්නේ හදිසි කැබිනට් සංශෝධනයක් සිදුකරමින් ජනාධිපති අනුර කුමාර දිසානායක මහතා ආණ්ඩුවේ ප්රබලතම අමාත්යවරයා වූ බිමල් රත්නායක මහතාගෙන් වරාය හා සිවිල් ගුවන් සේවා අමාත්යාංශය ඉවත් කිරීම හරහා ආණ්ඩුවේ අභ්යන්තර ගැටුම පැහැදිලිවම එළියට පැන්න බවය.
මාලිමා ආණ්ඩුව බලයට පත්වීමත් සමග විපක්ෂයෙන් එල්ල වූ ප්රබල චෝදනාවක් වූයේ රතු ලේබල් සහිත කන්ටේනර් 323ක් කිසිදු පරීක්ෂාවකින් තොරව රේගුවෙන් නිදහස් කර ඇති බවය.
ඊට ප්රවාහන, වරාය හා සිවිල් ගුවන් සේවා අමාත්ය බිමල් රත්නායක මහතා වගකිව යුතු බවටද විපක්ෂය චෝදනා කර තිබිණි. නමුත් ඊට ප්රතිචාර දක්වමින් අවස්ථා කිහිපයකදීම බිමල් රත්නායක මහතා කියා තිබුණේ තමන්ගේ කිසිදු සම්බන්ධයක් එම සිද්ධිය සමග නොමැති බවත්, එම විෂය පථය තමන්ට අයත් එකක් නොවන බවත්ය.
කෙසේ වෙතත් මේ සම්බන්ධයෙන් ආණ්ඩුවේ අභ්යන්තර ආරංචි මාර්ග සඳහන් කරන්නේ වරාය හා සිවිල් ගුවන් සේවා අමාත්යාංශය බිමල් රත්නායක මහතාගෙන් ඉවත් කළද බලවත් ආයතනයක් වන නාගරික සංවර්ධන අධිකාරිය රත්නායක මහතාගේ විෂය පථයට ඇතුළත් කොට ඇති බවත්, ඒ හරහා සියලු සංවර්ධන කටයුතු බිමල් රත්නායක මහතාගේ මෙහෙයවීම යටතේ සිදුකිරීමට සැලසුම් කොට ඇති බවත්ය.
