දුම්කොළ සහ දුම්වැටි භාවිතය හේතුවෙන් වාර්ෂිකව මරණ 22,000කට ආසන්න සංඛ්යාවක් මෙරටින් වාර්තා වන බව මද්යසාර සහ මත්ද්රව්ය තොරතුරු මධ්යස්ථානය පවසයි.Sri Lanka Latest News
එම මධ්යස්ථානය පෙන්වා දෙන්නේ මෙරට සිදුවන මරණවලින් 83%ක් බෝ නොවන රෝග හේතුවෙන් සිදුවන අතර, දුම්කොළ භාවිතය එහි ප්රධාන අවදානම් සාධක 4න් එකක් වන බවය.
මෙරට වැඩිහිටියන් මිලියන 1.5ක් පමණ දුම්පානයට ඇබ්බැහි වී ඇති බවද මධ්යසාර සහ මත්ද්රව්ය තොරතුරු මධ්යස්ථානය පවසයි.
ලෝකයේ සෑම තත්ත්පර 6කටම වරක් දුම්කොළ භාවිතය හේතුවෙන් මරණයක් වාර්තා වන බව දුම්කොළ හා මධ්යසාර පිළිබඳ ජාතික අධිකාරියේ සභාපති වෛද්ය ආනන්ද රත්නායක මහතා සඳහන් කළේය.
ශ්රී ලංකාවේ දුම්කොළ පාලන උත්සාහයන් කෙරෙහි දුම්කොළ කර්මාන්තයේ මැදිහත්වීම්හි බලපෑම් යන මැයෙන් කොළඹ පැවැති මාධ්ය හමුවකට එක්වෙමින් වෛද්ය ආනන්ද රත්නායක මහතා මේ බව සඳහන් කළේය.
