වැලිගම ප්රාදේශීය සභාවේ සභාපති ලසන්ත වික්රමසේකර සභාව ඇතුළේදීම වෙඩිතබා ඝාතනය කිරීමෙන් අනතුරුව විපක්ෂ මන්ත්රීවරුන්ගේ ආරක්ෂාව සම්බන්ධයෙන් මේ වනවිට බරපතළ තර්ජනයක් එල්ල වී ඇති බව විපක්ෂයේ සියලු පක්ෂවල නායකයන්ගේ මතය වී තිබේ.Sri Lanka Latest News
ඒ අනුව ඉදිරි සතියේදී විපක්ෂයේ සියලු පක්ෂවල නියෝජිතයන් හමුවී සාකච්ඡා කිරීමටත්, මතුව ඇති බරපතළ අනාරක්ෂිත තත්ත්වය සම්බන්ධයෙන් ජාතික සහ ජාත්යන්තර මට්ටමේ මෙහෙයුමක් දියත් කිරීමටත් විපක්ෂයේ පක්ෂ නායකයන් තීන්දු කොට ඇති බව දැනගන්නට ඇත.
වැලිගම සභාපතිවරයාගේ ඝාතනයෙන් පසු දැනටමත් විපක්ෂයේ බොහෝ මන්ත්රීවරුන් සිය මහජන දිනය පැවැත්වීම අත්හිටුවා ඇති බවක් දැනගන්නට ඇත.
ඒ අනුව, මතුව ඇති තත්ත්වය සම්බන්ධයෙන් ඉදිරියේදී අන්තර් පාර්ලිමේන්තු සංගමය, පොදුරාජ්ය මණ්ඩලයීය පාර්ලිමේන්තු සංගමය සහ එක්සත් ජාතීන්ගේ සංවිධානය වෙත වාර්තා කිරීමටද විපක්ෂයේ පක්ෂ නායකයන් තීන්දු කොට ඇති බවක් වාර්තා වේ.
