රජයේ වෛද්යවරුන්ගේ ප්රශ්නවලට විසඳුම් ලබාදීමට දී ඇති එකඟතා පිළිබඳ ඉවසීමේ සීමාව ලබන සතියෙන් අවසන් වන බවත්, බදු ප්රශ්නයට අදාළව වෘත්තීයවේදීන්ගේ සංගමය සමග ගෙනයන වෘත්තීය ක්රියාමාර්ගවලට තම සංගමය තවදුරටත් සහාය ලබාදෙන බවත් රජයේ වෛද්යවරුන්ගේ සංගමයේ මාධ්ය ප්රකාශක වෛද්ය චමිල් විජේසිංහ මහතා ‘මව්රට’ට පැවැසීය. (Sri Lanka Latest News)
වෛද්ය ප්රශ්න නොවිසඳුනහොත් ලබන වසරේ රෝහල් සහ විශේෂඥ වෛද්ය සේවා වැසීයන අවදානම ගැන රජයේ වගකිව යුතු අංශ වෙත අනතුරු අඟවා ඇති බවද ඔහු සඳහන් කළේය.
සෑම කාලසීමවකම වෘත්තීයවේදීන්ට ලබාදුන් බොරු පොරොන්දු නිසා එම ආණ්ඩු කුණු බක්කියට විසිවී ගිය අන්දම ඉතිහාසය තුළින් පෙන්වා දී ඇති බවයි ඔහු සඳහන් කළේ.
වෛද්යවරුන්ගේ ප්රශ්නයද රජයට මඟහැර යෑමට පුළුවන් ප්රශ්නයක් නොවන බවත්, පිළිගත හැකි උත්තරයක් නොමැතිව රජයට පලා යෑමට නොහැකි බවත් වෛද්ය විජේසිංහ මහතා පැවැසීය.
වැඩිම බලපෑමකට ලක්ව ඇත්තේ දිග්ගැස්සෙමින් තිබෙන සෞඛ්ය අර්බුදය බවත්, දැනට සිටින වෛද්යවරුන් පිරිස රැකගැනීමට සෞඛ්ය බලධාරීන් ක්රියා නොකළහොත් ජන ජීවිතය අනතුරට පත්වන බවයි ඔහු සඳහන් කළේ.
ප්රේමලාල් විජේරත්න
