රජය විසින් විකුණා දැමීමට සූදානම් වන රාජ්ය ආයතන රැකගැනීම සඳහා රට පුරා විරෝධතා රැල්ලක් පැවැත්වීමට පසුගියදා පිහිටුවා ගන්නා ලද ජාතික සම්පත් සුරැකීමේ ව්යාපාරය නම් වූ නව වෘත්තීය සමිති සංවිධානයට බැංකු සේවක සංගමයද එක්වූ බව එම සංගමයේ ලේකම් රන්ජන් සේනානායක මහතා ‘මව්රට’ට පැවැසීය. (Sri Lanka Latest News)
මෙම ජාතික සම්පත් සුරැකීමේ ව්යාපාරයට වෘත්තීය සමිති 50කට අධික සංඛ්යාවක් එක්ව ඇති බවයි ඔහු සඳහන් කළේ.
රාජ්ය බැංකු පෞද්ගලීකරණය කිරීමට රජය ගෙනයන වැඩපිළිවෙළ පිළිබඳ දේශපාලනඥයන් මෙන්ම මහජනතාවටද කරුණු අවබෝධ කර දී දැනුවත් කිරීමේ ව්යාපාරය ඉදිරියේදී ආරම්භ කරන බවද සේනානායක මහතා පැවැසීය.
ඒ සඳහා ජාතික සම්පත් සුරැකීමේ ව්යාපාරයට අනුබද්ධ සියලු වෘත්තීය සමිති එකඟත්වය පළකොට ඇති බවද සඳහන්ය.
ප්රේමලාල් විජේරත්න
