පසුගිය 2016න් පසුව රාජ්ය සේවයට බැඳෙන පුද්ගලයන්ගේ විශ්රාම වැටුප් පදනම වෙනස් කොට වෙනත් ක්රමවේදයක් ක්රියාත්මක කිරීමට එවක පැවැති රජය තීරණය කර තිබී පසුව අහෝසි කළ බව ප්රකාශ වුවද ඒ පිළිබඳ ලිඛිත නියෝගයක් දැකගන්නට නොමැති වීමේ ප්රශ්නය ගැන පසුගියදා සෞඛ්ය ඇමැති නලින්ද ජයතිස්ස මහතා හමුවූ රජයේ වෛද්ය නිලධාරීන්ගේ සංගමයට සාධනීය පිළිතුරක් ලබාදී තිබේ. (Sri Lanka Latest News)
ඒ සම්බන්ධයෙන් රජයේ වෛද්ය නිලධාරීන්ගේ සංගමයේ මාධ්ය ලේකම් වෛද්ය චමිල් විජේසිංහ මහතා පැවැසුවේ පසුගියදා තම සංගමය සෞඛ්ය ඇමැතිවරයා සමග පැවැති සාකච්ඡාවේදී ඒ පිළිබඳ විශේෂ අවධානය යොමුකොට රජය සමග සාකච්ඡා කර නව ක්රමවේදයක් සකසන බවට එහිදී ඇමැතිවරයා පැවැසූ බවය.
ඊට අමතරව දැනට බිඳවැටෙමින් තිබෙන සෞඛ්ය සේවාව කෙටිකාලීන, මධ්යකාලීන සහ දිගුකාලීන ක්රමවේදයන් අනුගමනය කරමින් සෞඛ්ය ගැටලු විසඳීමට මෙහිදී තීරණය වූ බවද වෛද්ය විජේසිංහ මහතා පැවැසීය.
වෛද්යවරුන්ට බලපා ඇති බදු ප්රශ්නය, නිවාස ගැටලු සහ රට හැරයෑමේ ප්රශ්නයට අදාළව රජය සමග සාකච්ඡා කොට කඩිනම් ක්රියාමාර්ග ගැනීමට මෙහිදී එකඟතාව පළවී ඇති බවද සඳහන්ය.
ඇතැම් කරුණු සම්බන්ධයෙන් ලබන අයවැයෙන් සහන සැලසීමට පියවර ගන්නා බව මෙහිදී සඳහන් වූ බවද වෛද්ය චමිල් විජේසිංහ මහතා පැවැසීය.
ප්රේමලාල් විජේරත්න
