මෙරට පාසල් පද්ධතියේ ඉහළ ශ්රේණිවල ඉගෙනුම ලබන සිසු දරුවන්ගෙන් 24%ක පිරිසක් විශාදයෙන් පෙළෙන බවද, එසේම 60%ක පිරිසක් මානසික පීඩනයෙන් පෙළෙන බවද ශ්රී ලංකා ළමා සහ යොවුන් මනස පිළිබඳ විශේෂඥ වෛද්ය සංගමයේ සභාපති, මහාචාර්ය මියුරු චන්ද්රදාස මහතා පවසයි.Sri Lanka Latest News
මෙම පාසල් දරුවන් මෙකී තත්ත්වයට පත්වීමට බෙහෙවින් බලපා ඇත්තේ අධ්යාපන කටයුතුවලදී ඇතිවන පීඩනය, මවුපියන් සමග පවත්නා ගැටලු, සමාජ මාධ්ය භාවිතය මෙන්ම සිසු දරුවන්ට ශාරීරික වශයෙන් ඇතිවන පීඩාවන් බවද විශේෂඥ වෛද්යවරයා කීවේය.
එසේම මෙරට ජනගහනයෙන් 19%කට විශාදය ලක්ෂණ මතුව තිබෙන බවද, ඒ අනුව රටේ මුළු ජනගහනයෙන් සෑහෙන පිරිසකට මනෝවෛද්ය ගැටලු පවතින බව පැහැදිලිව පෙනීයන බවද විශේෂඥ වෛද්යවරයා කීවේය.
මෙම තත්ත්වයන්ගෙන් වැළකී සිටීමට නම් මෙරට තරුණ සහ වැඩිහිටි ප්රජාව මත්පැන් භාවිතයෙන් වැළකී සිටිය යුතු බව පෙන්වා දෙන විශේෂඥ වෛද්යවරයා, යම් පුද්ගලයකුට සිය ජීවිතයේ මානසික සෞඛ්ය තත්ත්වය යහපත්ව නියමිත ආකාරයෙන් පවත්වාගෙන යෑමට නම් දිනකට පැය හයක, හතක සුව නින්දක් අවශ්ය බවද විශේෂඥ වෛද්යවරයා අවධාරණය කළේය.
තවද මේ වනවිට ලෝක ජනගහනයෙන් සෑම වැඩිහිටියන් හතර දෙනකුගෙන් එක් අයකු මානසික ගැටලුකාරී තත්ත්වයකින් පෙළෙන බවද අවධාරණය කරන මහාචාර්යවරයා සෑම ළමයින් පස්දෙනකුගෙන් එක් අයකු මානසික ගැටළුකාරී තත්ත්වයකින් පසුවන බව ලෝක සෞඛ්ය සංවිධානය අනාවරණය කර ඇති බවද කීය.
කැලණිය විශ්වවිද්යාලය සහ මොනෑෂ් සරසවිය ඒකාබද්ධව සිදුකර ඇති පරීක්ෂණයකින් මෙම තොරතුරු අනාවරණ වී ඇති බවද ලෝක මානසික සෞඛ්ය තත්ත්වය පිළිබඳ දැනුවත් කිරීම උදෙසා පැවැති සාකච්ඡාවකදී විශේෂඥ වෛද්ය මහාචාර්ය මියුරු චන්ද්රදාස මහතා මෙම කරුණු හෙළි කළේය.
නන්දන ශ්රී දොරකුඹුර
