සැබෑ දක්ෂයා කොතැන සිටියත් දවසක ලෝකය හඳුනාගන්නා බවට ඔහු කදිම නිදසුනකි. රත්නපුරේ සුන්දර ඉසව්වක සිට සරසවි මාවත දිගේ කොළඹට පියමැන, අධ්යාපනයෙන් මෙන්ම රංගනයෙන්ද සිය සලකුණ තබන්නට ඔහු සමත් විය. අද වන විට ඔහු ජාතික රූපවාහිනියේ මාධ්යවේදියෙකු ලෙසත්, ‘කොටු‘ ටෙලිනාට්යය හරහා පුංචි තිරයේ ප්රේක්ෂක අවධානය තමා වෙත නතු කරගත් අමිල දෙනුවන් සමඟයි අද අපේ ‘හාට්‘ කතාබහ මෙලෙස දිගහැරේ…Sri Lanka Latest News
මුලින්ම අමිලගෙ විස්තර ටිකක් දැනගන්න කැමැතියි?
මම අමිල දෙනුවන්. මගෙ ගම් පළාත රත්නපුර දෙල්වල. පවුලේ අයියලා තුන්දෙනයි, අක්කයි, අම්මයි. මම පවුලේ බඩපිස්සා. මගේ පාසල දෙල්වල මහා විද්යාලය. වැඩිදුර අධ්යාපනය සඳහා කලවාන ජාතික පාසලට ගියා. උසස්පෙළ විභාගයෙන් රත්නපුර දිස්ත්රික්කයේ 26 වැනි තැනට පත්වෙලා මම කොළඹ විශ්වවිද්යාලයට ඇතුළත් වුණා. මම දැන් උපාධිධාරියෙක්. මේ වනවිට මම කැලණිය විශ්වවිද්යාලයේ ශාස්ත්රපති උපාධි පාඨමාලාව හදාරනවා.
ඒ අධ්යාපන කටයුතු කරන ගමන් කලා කටයුතු කරගෙන යනවද?
ඔව්. මේ දිනවල ‘කොටු’ ටෙලිනාට්යයේ අවසාන අදියරේ රූගත කිරීම් කරගෙන යනවා. අලුත් ටෙලිනාට්ය කිහිපයකට ආරාධනා ලැබුණා. තවම ඒ නිර්මාණ සඳහා සම්බන්ධ වුණේ නැහැ.
අමිල කොටු පනින්න දක්ෂ බව ආරංචියි. මේ පැනපු කොටුවේ ප්රතිඵල කොහොමද?
මම පැන්නෙ නම් එකම කොටුවයි. පැනපු කොටුව ලංකාවේ විතරක් නෙවෙයි ලෝකෙම ප්රේක්ෂක පිරිස වැලඳගෙන ‘කොටු’ ටෙලිනාට්යය නරඹනවා. ගොඩක් හොඳ ප්රතිචාර තියෙනවා. ඉතින් ගොඩක් සතුටුයි මම සම්බන්ධ වුණු පළමු ටෙලිනාට්යයට මේ ලැබෙන ප්රතිචාර ගැන.
ගමෙන් එළියට පැන්න කොල්ලා දැන් නළුවෙක්?
අනේ ඔව්. මේක මගේ හීනයක්. පාසල් වේදිකා නාට්ය, ළමා සමාජ නාට්ය, දහම් පාසල් නාට්ය රඟපාලා මම ගමේ නළුවෙක් වුණා. මට වුවමනා කළා මෙතැනින් එහාට යන්න. අපිට ගමෙන් එළියට එන්න ලැබෙන අවස්ථා අඩුයි. ඒ නිසා මම තේරුම් ගත්තා හොඳට ඉගෙනගන්න. මම හීනය අමතක කරලා විභාග ජයගෙන කොහොම හරි සරසවියට ආවා. මගේ හීනයට යන්න නම් කොළඹට යන්නම වෙනවා කියලා මම හිතුවා. ඒ වැඩකටයුතු සමග මම කොළඹ ඇවිත් රංගනය පිළිබඳ හැදෑරුවා. ඔය විදියට තමයි මගේ හීනය ඉටුකරගත්තේ.
අමිල නළුවෙක් වගේම දැන් මාධ්යවේදියෙක්?
ඔව්. මට පත්වීම් ලැබිලා වැඩි කාලයක් නැහැ. මේ වනවිට මම ජාතික රූපවාහිනියේ සේවය කරනවා මාධ්යවේදියෙක් විදියට. ඉතින් මම රංගනයට වගේම මගේ වෘත්තියට හදවතින්ම ආදරය කරනවා. මේ මගේ හදවත. මම මාධ්ය ගැන වැඩිදුරටත් හදාරනවා.
ඉතින් මාධ්යවේදියෙක් නිසා කාර්යබහුල වෙන අවස්ථා එමටයි. රංගන කටයුතුවලට එය බාධාවක් නෙවෙයිද?
ගොඩක් පහසුයි මගේ වෘත්තිය වෙනුවෙන් උපරිම කැපවෙනවා. මම රංගන කටයුතු සඳහා සම්බන්ධ වෙන්නේ විවේකී කාලවල. ආයතනයේ සභාපතිතුමා ඇතුළු සියලු කාර්යමණ්ඩලයෙන් ලොකු සහායක් ලැබෙන නිසා රෑ දිවා නොබලා මගේ වගකීම මම අකුරටම ඉටුකරනවා.
රූගත කිරීම් අතරතුර හොඳ හොඳ වැඩ වුණා නේද?
ඔව්නේ. මට තිබුණා හිමාලි සයුරංගි අක්කව බයික් එකක දාගෙන යන්න. මට ඒ වෙලාවේ පදින්න දුන්නේ එෆ්-2 බයික් එකක්. මම ඒ වෙලාවේ ටෙන්ෂන් වෙලා හිටියේ. බයික් එක පැදගන්න බැරි වුණා. පැද්දා නම් ඉතින් අපි දෙන්නටම ලොකු අනතුරක් වෙන්න තිබුණා ටෙන්ෂන් එක නිසා. පස්සේ අපහසු නිසා ස්කූටර් බයික් එක තමයි පැද්දේ.
මේ තරම් කොටුවේ වැඩකිඩ දාන්න අවස්ථාව ලැබුණේ කොහොමද?
අසංක සායක්කාර අධ්යක්ෂවරයා මෙහෙයවපු ‘සකියෝ’ රංග පාසලට තමයි රංගනය හැදෑරීමට මම සම්බන්ධ වෙන්නේ. ඒ හරහා තමයි මට ‘කොටු’ ටෙලිනාට්යයට සම්බන්ධ වෙන්න දොර විවර වෙන්නේ. සකියෝ රංග පාසලේ රංගනය හදාරන්න මට අවස්ථාව ලැබීම ගැන මම අද සතුටු වෙනවා. හරිම තැනකින් මගේ හීනයට අද මට යන්න ලැබීම ලොකු භාග්යයක්.
