ගායන තාරකා ද්විත්වයක මාපිය පහස ලබමින් ගායන ක්ෂේත්රයට පියනැඟූ ඇය තමන්ටම ආවේණික වුණු හඬ පෞරුෂය භාවිත කරමින් රසික සිත් වසඟයට ගත් ඈ වෙනස් ශෛලීන්වල ගීත ගායනා කරමින් ලාංකේය ගීත කලාවට නව ආරක් මුසුකිරීමට සමත් වූවාය. ඇගේ ඉදිරි ගමන ගැන කතාකරන්න ‘හාට්’ එකට රයිනි චාරුකා ගොඩවැදුණේ මේ විදිහට.Sri Lanka Latest News
රයිනි කොහොමද මේ දවස්වල ජීවිතේ?
මේ දවස්වල පොඩි පොඩි වෙනස්කම් ගොඩක් වුණා. මට නම් ලොකු දේවල් ඒවා. ගෙවල් මාරු කළා. මේ අවුරුද්දේ ලොකුම වෙනස්කම තමයි මගේ Bussiness එක. Rising voices and drawing academy (R & D). මේකෙදි vocal students බලාගන්න එක speech කරවන එක ඒගොල්ලොන්ගෙ දක්ෂතාව පෙන්නන එක තමයි සිදුකරන්නේ. ඊට අමතරව සාමාන්ය විදිහට ජීවිතය ගතකරනවා.
රයිනි ජනප්රිය ගායිකාවක් වෙන්නේ අම්මගේ තාත්තාගේ ප්රසිද්ධිය නිසාද? නැත්නම් ඔබේ හැකියාවන් නිසාද?
ප්රසිද්ධිය නිසයි ක්ෂේත්රයට ඉක්මනින්ම එන්න පුළුවන් වෙන්නේ. හැකියාවන් නිසා තමයි ක්ෂේත්රයේ පවතින්න පුළුවන් වෙලා තියෙන්නේ.
රූකාන්තගෙයි චන්ද්රලේඛාගෙයි දුව නොවුණා නම් ඔබ අද කවුරු වෙයිද?
කලාව කියන එක මගේ ඇඟේ නැති වුණා නම් වෙනත් වෘත්තියක නියැලෙයි. එහෙම වුණා නම් මම පයිලට් කෙනෙක් වෙන්නත් පුළුවන්.
පිච්චමලී, මා නුඹ නිසා ඔබේ අලුත් ගීතයන් ගැනත් අපි කතා කළොත්?
පිච්චමලී කියන්නේ ව්යාපෘතියකට නිර්මාණය කරපු ගීතයක්. ඒක නිකන් තියෙන එක අපරාධයක් නිසා තමයි රිලීස් කළේ. මා නුඹ නිසා ගීතය නම් සෑහෙන කාලයක ඉඳන් කරගෙන ආපු ගීතයක්. ඒකෙ ටැමිල් වර්ෂන් එකනම් තාම රිලීස් කළේ නෑ. ඒක තරීන් මල්ලි තමයි ඔක්කොම සංගීත සංයෝජන කළේ. මේ ගීත දෙකම ලිව්වේ අන්සාෆ් අලීන්. ඒ මාසෙ සුවිශේෂ වූයේ පිච්චමලී රිලීස් වෙලා සතියකින් මා නුඹ නිසා ගීතය රිලීස් වුණා. සාමාන්යයෙන් ගායකයෙක් මාසෙකට ගීතයක් එළිදැක්වූවාට මට ගීතයක් එළිදක්වන්න වසර දෙක තුනක් පමණ යනවා. පිච්චමලී ගීතය කවර් සෝන්ග් එකක් වුණත් මා නුඹ නිසා ගීතය ඔරිජිනල් එකක්.
ඔබේ සංගීත ක්ෂේත්රය තුළ ඔබේ හැරවුම් ලක්ෂ්යය කුමක්ද කියා මා ඇසුවොත්?
මගේ හැම ගීතයක්ම හැරවුම් ලක්ෂ්යයක් බවට පත්වුණා. මගේ පළමු ගීතය වන නීල කඳු ගැටේ ගීතයෙන් තමයි මුලින්ම මම ප්රේක්ෂකයන් අතරට යන්නේ. එයින් පසුව ප්රේක්ෂකයන් මාව හොයන්න පටන් ගත්තා. ඒ ගීතය මතක් වෙද්දි හරි අමුතු අත්දැකීමක් ඒක. ඊට පස්සේ තරුමිණි ඔච්චම්, මතකද හැන්දෑවේ, චංචල දෑසේ, නොබලා මා දිහා මේ සියලු ගීත මගේ හැරවුම් ලක්ෂ්යයන් බවට පත්වුණා. අදටත් සංගීත වේදිකාවල ප්රේක්ෂකයා නිතර ඉල්ලන ගීත තමයි මේ. හැම ගීතයක්ම මගේ ජීවිතයට ඇවිල්ල වටිනාකමක් දීලා තියෙනවා.
ජාත්යන්තරය සමග බලද්දි ලංකාවේ සංගීතය ගැන මොකද හිතෙන්නේ?
අපි හරිම යුනික්. අපේ සංගීතය කවදාවත්ම වෙනත් රටවල සංගීතයක් සමග සංසන්දනය කරන්න බැහැ. මන්ද ඔවුන් වාදනය කරන්නේ ඔවුන්ටම ආවේණික සංගීත භාණ්ඩවලින්. ඇමෙරිකාව ඔස්ටේ්රලියාව එංගලන්තය එකම සද්දෙන් මියුසික් කරන්නේ. අපේ සංගීතය හොඳ තැනක තියෙනවා. මං හිතන එකම වැරැද්ද අපේ මියුසික් තාම ලෝකයට ගෙනිහිල්ල නැහැ. අනිත් රටවල් මේක තේරුම් අරගෙන ඉන්නේ. මියුසික් සහ එන්ටර්ටේන්මන්ට්වලින් නම්බර් වන් කරන්න පුළුවන් නම් රටක ඒ රට සුපර් පවර් එකක් කරන්න පුළුවන්. හොඳ ආදායමක් ලබා ගැනීමටත් පුළුවන්. මේ ළඟදි පොප් මියුසික් උඩට ආවා. ඉන්පසු සී පොප්, ජේ පොප් පැමිණීමත් සමග සංගීතයෙන් ලෝකෙ අල්ලාගත හැකි බව තේරුම් ගත්තා. ඇමෙරිකාව හොලිවුඩ්වලින් ලෝකය අල්ලන් ඉන්නේ. අපේ රටත් මේ තේරුම් ගත්තා නම් අපේ රටත් සංගීතයත් අපි අපේ සංගීතය දිහා බලන විදිහත් වෙනස් වෙයි කියලා හිතනවා.
ගායනයට පමණක් නොව රංගනයටත් ඔබ දක්ෂයි. නැවත රංගනයට දායක වෙනවද?
බලාපොරොත්තු අත්හැරපු කාලයක් තිබුණා. දැන් ආපහු ආසයි. මේ දිනවල ඒවාට සම්බන්ධ කතා පොත් කියවන්න ලැබුණා. ඒවා ඉදිරියේදී චිත්රපට ලෙස නිර්මාණය වෙයි.චිත්රපට සඳහා ආරාධනා ලැබිලා තියෙනවා ඉතිං බලමු.
අනාගත සිනමාවේ දැකගැනීමට පුළුවන් එහෙනම්?
ඔව්, අනිවාර්යයෙන්ම පුළුවන් වෙයි.
අලුත් ගීත නිර්මාණ ගැනත් දැනගන්න කැමැතියි?
ගීත නම් හැමදාම නිර්මාණය වෙනවා ඔයාලට ඇහෙන්නෙ නැති වුණාට. ඒ කියන්නේ අපි නිතරම ගිටාරය තියාගෙන ගීත නිර්මාණය කරනවා මිතුරන් සමග මුණගැහුණාම. නමුත් අවුරුදු දෙක තුනක් තුළ මම කැමැති ගීත තමයි නිර්මාණය කළේ. සරෝජනී, කළුවරට බය හින්දා, මා නුඹ නිසා මේ ගීත සඳහා සීමිත ප්රේක්ෂකයන් ප්රමාණයක් බැඳිලා ඉන්නවා. මගේ සෝලෝ එකක් හරහා අනාගතයේදී ප්රේක්ෂකයෝ වැඩිපුරම කැමැති ගීත නිර්මාණය කිරීමට බලාපොරොත්තුවෙන් ඉන්නවා.
සිරස වොයිස් ටීන්ස් වේදිකාවේ කෝච් කෙනෙක් විදියට ඒ අත්දැකීම කොහොමද දැනුණේ?
පළමු අවස්ථාවේ නම් ගොඩක් බය හිතුණා මේ වගේ වැඩසටහනක් සිදුවෙන්නේ කොහොමද කියලා අදහසක් නොමැති නිසා. මීට පෙර ලංකාවේ මෙවැනි වැඩසටහනක් දැකල තිබුණෙ නැහැ. අපි දැකල තියෙන්නේ ජජ් කරනවා විතරයි. කෝච්ලව දැකලා නැහැ. වැරදි දැකලා වැරදි කාටවත් නොපෙනෙන්න හදල, හදපු කෙනාව වේදිකාවට ගෙනල්ලා, සෙලිටි්රටි කෙනෙක් බවට පත්කරන එක තමයි සිදුකරන්නේ. හරියට බාස්කට්බෝල් කෝච් කෙනෙක් වගේ. ඒ අභියෝගයත් බාරගෙන වසර දෙකකට පසු වොයිස් ශ්රී ලංකා සඳහා සම්බන්ධ වෙන්න අවස්ථාව ලැබුණා. එහි සියල්ලන්ම අවුරුදු 18ට වැඩි අයයි. නැවත මට අලුත් අත්දැකීමක් ලබාගැනීමට සිදුවුණේ මට වඩා බාල අය සහ මට වඩා ගොඩක් වැඩිමල් අය සමග වැඩකරන්න සිද්ධ වුණා. ඉතින් මේ වගේ වැඩසටහනක වැඩකටයුතු කිරීම මම දැකපු හීනයක්.
රයිනි නැවත ඔබ විවාහ වෙන්න බලාපොරොත්තුවක් තියෙනවද?
විවාහ වෙන්න මම දැන් බයයි. අපේ අම්මට තාත්තටත් ඒක ප්රශ්නයක්. ඒ හැඟීමට මුහුණ දුන් කෙනා හැර අනිත් අයට ඒ හැඟීම තේරෙන්නේ නැහැ. අවුරුදු 7ක් ආදරේ කරලා විවාහ වුණා තවත් අවුරුදු හතක් ආදරය කළා. ඉතින් අවුරුදු 14ක්ම ඉවරයි මගේ ජීවිතේ. විවාහයට ආසයි. නැවත විවාහයක් ගැන සිතීම අමාරුයි.
හිමාෂි මධුවන්ති සේනාරත්න
