අමිල ආයෙත් තාත්තෙක් වෙයි

අමිල ජීවිතය දැන් සම්පූර්ණ වුණා නේද?
ඇත්තටම ඔව්. එය දවසින් දෙකකින් ගොඩනැඟුණු ජීවිතයක් නෙවේ. නමුත් කාලයත් එක්ක හැමදෙයක්ම හොඳ විදියට සිදුවුණා.
තාත්තා අහස නම් ඒ අහසට පායපු හඳ දුව කියලා කියනවා. ඒ සතුට ගැන කතා කළොත්?
සතුට කියන්න වචන නැහැ. අපට පුතෙක් ලැබුණාට පස්සේ මගේ ලොකු ආශාවක් තිබුණා දුවෙක්ගේ මුහුණ දකින්න. මගේ දුව අපට පසුගිය 15 වැනි දින ලැබුණා. පුතා ලැබුණාට පස්සේ ආදරයක් තිබුණා. නමුත් එයටත් වඩා ආදරයක්, සතුටක් දුව ලැබුණාට පස්සේ මට දැනුණා.
කලින්ම දැන සිටියාද දුවෙක් කියලා?
ඔව්. ස්කෑන් පරීක්‍ෂණ හරහා අපිට දැනගන්න ලැබුණා මේ පාර දුවෙක් අපට ලැබෙන බව. එදා ඉඳන් මම ඇඟිලි ගනිමින් හිටියේ දුව දැකබලා ගන්න. මම උස, මහත නිසා වෛiවරුන් පැවසුවේ උස, පෙනුම තිබෙන දරුවන් අපට ලැබෙන බවයි.
තාත්තාගෙයි, පුතාගෙයි නම් මුල අකුරෙන් තමයි පටන්ගෙන තිබෙන්නේ. දුවටත් එලෙස බලපාවිද?
එහෙම තමයි මම හිතාගෙන ඉන්නේ. මම අමිල පුතා අඛිත්, දුවටත් ඒ හා සමාන නමක් දාන්න කැමැතියි. බලමු ඉතින් වෙලාවේ අකුරු අනුව නමක් හදනවා.
මේ දවස්වල නිර්මාණවලින් බැහැර වෙලා දරු සුරතල් එක්කද?
මගේ බිරියට තවම වැඩපළ කරගන්න අමාරුයි. ඒ නිසා ගෙදර වැඩකටයුතුත් මගේ අතින් සිදුකෙරෙනවා. අපේ අම්මලා දෙන්නත් අපේ උදව්වට ඉන්න නිසා අපට තවත් ගොඩාක් ලේසියි. මගේ වෙලාවට මේ දවස්වල රූපගත කිරීම් නැති නිසා සියලුම වැඩකටයුතු පහසුවෙන් කරගෙන යන්න පුළුවන්.
ඉදිරියටත් තවත් දරුවකුගේ සුරතල් බලන්න අදහසක් එහෙම තිබෙනවද?
දුවයි, පුතයි අපිට ඉරයි – හඳයි වගේ. එයාලා දෙන්නා ඇති කියලා තමයි හිතාගෙන ඉන්නේ.
ටෙලිනාට්‍යවලට අකැමැති අමිල වෙනස්ම විදියකට අපි මේ දවස්වල දකිනවා?
ටෙලිනාට්‍යවලට අකැමැත්තක් නැහැ. නමුත් මම ගොඩාක්ම කැමැති චිත්‍රපටවලට සම්බන්ධ වෙන්න. මේ දවස්වල ‘පළිඟු පියාපත්’ ස්වාධීන රූපවාහිනියේ විකාශය වෙනවා. මම එහි රාමා, ප්‍රදීප්, හේමන්ත කියන චරිත තුනම වෙනස්ම විදියකට රඟපානවා. වෙනස්ම රංගනයකට මට ආරාධනාවක් ලැබුණු නිසා මම ‘පළිඟු පියාපත්’වලට සම්බන්ධ වුණා.
වසන්ත විතාරණගේ