සිය බිරිඳ නිවස තුළ සිරකර නිවසට ගිනිතැබූ පුද්ගලයකු අද අත්අඩංගුවට ගත්බව කළුතර දකුණ පොලිසිය පවසයි .Sri Lanka Latest News
කළුතර , ගමගොඩ රජවත්ත ප්රදේශයේ පදිංචි පුද්ගලයකු මෙසේ අත්අඩංගුවට ගෙන ඇති බව පොලිසිය කීය.
දෙදෙනා අතර කලක පටන් පවුල් ආරවුල් පැවත ඇති බවත්, සැකකරු ඊයේ (13) සවස බීමතින් පැමිණ සිය බිරිඳ කාමරයක සිටියදී රබර් මෙට්ටය, කොට්ට සහ ඇදුම් නිවසේ දමා ගිනිතබා ඇති බවට මෙතෙක් කල පරීක්ෂණ වලදී තහවුරුව ඇති බවත් පොලිසිය පවසයි .
ගිනිතැබීමෙන් නිවසෙහි මුළුමුළුතැන්ගෙට හානි සිදුව ඇති නමුත් පැමිණිලිකාර කාන්තාව ඇයගේ ඇදුම් රැගෙන නිවසෙන් පිටතට පැමිණ ඇති බවද පොලිසිය සදහන් කරයි.
මේ අතර පල්ලම රඹතලාවත්ත, ආඬිගම ප්රදේශයේ දී සැමියා විසින් සිය බිරිඳට වායු රයිෆලයකින් වෙඩි තබා තිබේ.
පොලීසිය පැවසුවේ පෞද්ගලික ආරවුලක් හේතුවෙන් මෙම වෙඩි තැබීම ඊයේ (13) සිදුකර ඇති බවය.
තුවාල ලැබු කාන්තාව මේ වන විට නිකවැරටිය රෝහලේ ප්රතිකාර ලබමින් සිටින බව පොලීසිය පැවසීය.
මෙලෙස තුවාල ලබා ඇත්තේ 51 හැවිරිදි රඹතලාවත්ත ආඬිගම ප්රදේශයේ පදිංචි කාන්තාවකි.
සැකකරු ප්රදේශයෙන් පළාගොස් ඇති අතර ඔහුව අත්අඩංගුවට ගැනීම සඳහා පල්ලම පොලීසිය වැඩිදුර විමර්ශන පවත්වයි.
