X-Press Pearl නෞකාවේ රක්ෂණකරුවන් විසින් බ්රිතාන්යයයේ ගොනු කර ඇති අලාභ ක්රියාවන් සීමා කිරීමේ නඩුකරය හේතුවෙන් සිංගප්පූරුවේදී ශ්රී ලංකාව විසින් ගොනුකර ඇති දැනට පවතින වන්දි ඉල්ලීමේ නඩුව ප්රමාද කරන ලෙසට උපදෙස් ලැබී ඇති බව වාර්තා වේ.
බ්රිතාන්යයේ නඩුව අවසන් වන තෙක් සිංගප්පූරු උසාවියෙන් දීර්ඝ ප්රමාදයක් ඉල්ලා සිටීම සුදුසු බව නීති විශාරදයන් රජයට දන්වා ඇති බව සන්ඩේ ටයිම්ස් පුවත්පත වාර්තා කොට ඇත.
සිදු වූ හානිය සම්බන්ධයෙන් තමන්ට කොපමණ මුදලක් ගෙවිය හැකිද යන්න විස්තර කරමින් එක්සත් රාජධානියේ රක්ෂණකරුවන් විසින් ගොනු කර ඇති නඩුව අවසන් වන තුරු සිංගප්පූරුවේ හිමිකම් ක්රියාමාර්ගය ඉදිරියට ගෙන යාම අවාසිදායක බව නීති විශාරදයන් ශ්රී ලංකා බලධාරීන්ට දන්වා ඇති බව එහි සදහන්ය.
සමුද්රීය හිමිකම් සඳහා වගකීම් සීමා කිරීම පිළිබඳ සම්මුතිය යටතේ රක්ෂණකරුවන් ලන්ඩනයේ වාණිජ මහාධිකරණයේ මෙම නඩුව ගොනු කර ඇත.
කෙසේ වෙතත්, ශ්රී ලංකාවේ දරුණුතම සමුද්ර ව්යසනය සම්බන්ධයෙන් ගෙවිය හැකි හානිය සීමා කිරීමට රක්ෂණකරුවන් උත්සාහ කරන බැවින්, එක්සත් රාජධානියේ නඩුවට එරෙහිව ද සටන් කිරීමට රජය තීරණය කර ඇති බව පැවසේ.
සිංගප්පූරුවේ නඩුව ප්රමාද කිරීමට රක්ෂණ සමාගම් උත්සාහ කරන බව පැවසූ අධිකරණ අමාත්ය විජයදාස රාජපක්ෂ, මෙම නඩුවට මැදිහත් වීමට රජය පියවර ගන්නා බව පැවසීය.
“අපට අවශ්ය වන්නේ එක්සත් රාජධානියේ නඩුව හැකි ඉක්මනින් අවසන් කිරීමටයි. ඛේදවාචකයට හේතු වී ඇත්තේ නැව් හිමිකරුගේ නොසැලකිල්ල බව අපට ඔප්පු කළ හැකි යැයි අපි විශ්වාස කරනවා. ”අමාත්යවරයා පැවසීය.
X-Press Pearl British case compensation
