මධ්යම පළාතේ නුවරඑළිය දිස්ත්රික්කයේ මස්කෙළිය ගාඩ්මෝර් ප්රදේශයට පිවිසෙන කිලෝමීටර් තුනක් පමණ ප්රමාණයකින් යුතු ප්රධාන මාර්ගය වසර 20 ක පමණ කාලයක සිට ප්රතිසංස්කරණය කර නොමැති අතර පාසල් සිසුන් දේශීය හා විදේශීය සංචාරකයින් සහ රියදුරන් සහ වාහන හිමියන් ඇතුළු ප්රදේශයේ බොහෝ පිරිසක් දිනපතා විවිධ අපහසුතාවන්ට මුහුණ දෙති.Sri Lanka Latest News
ප්රදේශවාසීන් පෙන්වා දෙන්නේ අදාළ මාර්ගයේ ඇති ගැටිති සහ වළවල් නිසා ගමන් කළ නොහැකි බවයි.
පවුල් 1,500 කට වැඩි පිරිසක් ප්රදේශයේ ජීවත් වුවද සෞඛ්ය සේවා ලබා ගැනීම සඳහා ඔවුන්ට මස්කෙළිය දිස්ත්රික් රෝහල වෙත යාමට සිදු ඇත්තේ මෙම මාර්ගයේ එවන් අවස්ථාවලදී දැඩි ලෙස අපහසුතාවයට පත්වන බවයි .
මැතිවරණ කාල පරිච්ඡේද වලදී ඡන්දය ඉල්ලන්න එන උඩරට දේශපාලනඥයන් මැතිවරණ සමයේදී මාර්ගය ප්රතිසංස්කරණය කරන බව පවසමින් ගල් හා වැලි මහජනතාව රැවට්මට රැගෙන එන නමිත් මැතිවරණයෙන් අවසන් වූ පසු ඔවුන් සියලු ද්රව්ය ආපසු රැගෙන යෑමක් දිගින් දිගටම දක්නට ලැබේ .
අතිශය සංචාරක ආකර්ෂණය දිනාගත් මෙම ප්රදේශයට දිරිත් දින දහස් සංඛ්යාත විදේශීය සංචාරකයන්ද පැමිණෙනන අතර මාර්ගයේ ඇති දුෂ්කරතාවය හේතුවෙන් මඟට පැමිණ නැවත හැරී යන අවස්ථාවක්ද බොහෝ සෙයින් දක්නට ලැබෙන බව සංචාරක මඟ පෙන්වන්නන්ද චෝදනා කරති ,
මෙම තත්ත්වය හමුවේ මහජනතාව හා සංචාරකයන් පත්වන අපහසුතාවය අවධානයට වත්මන් රජය විසින් මෙම මාර්ගය ප්රතිසංස්කරණය කිරීමට අවශ්ය කටයුතු සිදු කර දෙන මෙන් ප්රදේශවාසීන් සංචාරක මගපෙන්වන්නන් සහ පාර්ශව රැසක් රජයෙන් ඉල්ලා සිටියි ,
මස්කෙළිය ගාඩ්මෝර් මාර්ගයේ පවතින තත්ත්වය අප සංචාරක නියෝජ්ය අමාත්ය රුවන් රණසිංහ මහතාගෙන් විමසූ විට ඔහු පැවසුවේ, “මම හිතන්නේ මේ මාර්ගය පළාත් සභාවට අයත්. මේ මාර්ගය ප්රතිසංස්කරණය කිරීම සඳහා අරමුදල් වෙන් කර තිබෙනවා.
අපි ඉතා ඉක්මනින් මෙම ව්යාපෘතිය ආරම්භ කිරීමට යනවා මේක පෞද්ගලික වතුයායක් මේ වතුයායේ කළමනාකරු සමඟත් අපි සාකච්ඡා කළා.
මේ මාර්ගය ප්රතිසංස්කරණය කිරීම සඳහා පළාත් සභාව සහ වතු කළමනාකාරිත්වය අතර ඒකාබද්ධ උත්සාහයක් ගනු ඇතැයි අපි අපේක්ෂා කරනවා.
විදේශීය සංචාරකයින් මේ ප්රදේශයට එනවා මේ ප්රදේශයේ ජනතාව මෙහි ජීවත් වෙනවා ඒ නිසා මේ මාර්ගය අනිවාර්යයෙන්ම කඩිනමින් ප්රතිසංස්කරණය කළ යුතුයි.
ආර්.එෆ්.එම්.සුහෙල් – නුවරඑළිය
